ТРАНСФЕР БОМБА: Додека ривалите се занимаваат со тренерски смени, шампионот Еурофарм Пелистер работи мераклиски и гради уште помоќен тим за следната сезона. Во Битола пристигнува египетскиот репрезентативен пивот, Ибрахим Калес Валид!
Станува збор за 26-годишен, корпулентен ракометар (195 см) кој доаѓа од редовите на турскиот првак Бешикташ, каде беше еден од најдобрите играчи во ЕХФ Купот минатата сезона. Со овој потег, битолчани не само што го засилуваат својот дефанзивен бедем, туку и ослабуваат директен конкурент во Европа.
Ова е јасен показател дека амбициите на Еурофарм Пелистер не застануваат со домашната титула. Тимот од Битола сака да направи сериозен исчекор и во Лигата на шампионите, а ангажманот на докажан репрезентативец од силна лига е вистински доказ за тоа.
