Крај на авантурата. Сандро Вагнер (38) повеќе не е шеф на стручниот штаб на ФК Аугсбург. По серијата од четири порази во последните пет натпревари и елиминацијата од купот, клубот одлучи да ја прекине соработката со поранешниот германски репрезентативец.
Иако Вагнер дојде како голема надеж и стартуваше со победа од 3-1 против Фрајбург, работите брзо тргнаа надолу. Во 11-те натпревари што следеа, Аугсбург забележа само две победи, а „капак“ на сѐ беше поразот од Бохум во купот и дебаклот од Хофенхајм (3-0).
„Мислевме дека можеме, но не успеавме“
Разделбата е спогодбена, но разочарувањето е очигледно.
„Влегов во ова со голема енергија и страст. Сакавме да промениме многу работи, но за жал не успеавме во овој краток период. Му посакувам на клубот сѐ најдобро“, изјави Вагнер на заминување.
Директорот Мајкл Штрол беше директен: „По поразот од Хофенхајм сфативме дека недостасува верба дека можеме да направиме пресврт во оваа констелација“.
На негово место, како привремено решение до зимата, доаѓа Мануел Баум (46), кој веќе го водеше тимот од 2016 до 2019 година.
FC Augsburg and Sandro Wagner have mutually agreed to terminate his contract. Manuel Baum will take over until the winter break.
— FC Augsburg (@FCA_World) December 1, 2025
In discussions following the match in Hoffenheim, all those responsible lacked the belief and conviction that a turnaround could be achieved in the… pic.twitter.com/UAXsTMoowK
Редит реакција: „Жив мем“ и пропуштено СП
Навивачите на социјалните мрежи не го штедат Вагнер. Многумина потсетуваат дека тој ја напушти позицијата асистент во германската репрезентација (и пропушти Светско првенство) за да биде отпуштен од Аугсбург во декември.
- „Го пропушти СП за да добие отказ во декември. Штета.“.
- „Човекот беше жив мем во Аугсбург. Неговата изјава дека ’не сме полоши од Баерн на ниедна позиција‘ ќе се памети“.
Други, пак, сметаат дека проблемот е во клубот: „Тој е 743-тиот тренер што проба да игра фудбал, но сфати дека со овие играчи тоа е невозможно“.
Следете нè: Facebook | Instagram | X
