На прес-конференцијата во пресрет на УС Опен, еден љубопитен новинар му постави интересно прашање на светскиот рекет број еден, Јаник Синер. Тој го запраша: “Јаник, ти рече дека си постигнал повеќе од што си сонувал во спортот, па се запрашав: кои ти беа оригиналните соништа?”.
“Се сеќавам дека во еден момент им реков на моите родители дека ако не влезам во првите 200 додека да наполнам 23 или 24 години дека ќе се откажам, затоа што не можевме да си ги дозволиме трошоците. Чини многу пари да патувате на турнири, а ако дополнително носите и тренер со вас, тоа се многу пари”, одговори Италијанецот кој пред една недела наполни 24 години, како број 1 тенисер во светот.
“Јас бев многу среќен. Веќе на 18 години почнав да заработувам и се чувствував безбедно. Кога сте млади ги кажувате соништата, но дури ни вие не верувате дека ќе се остварат. Знаете, понекогаш велев дека сакам да бидам број еден или да освојам Гренд Слем. Но, тоа беше само сон и беше далеку од мојот реален сон и очекувања, од позицијата од која доаѓав”, додаде Јаник.
“Сега е поинаку, го разбирам мојот потенцијал и разбирам дека ако играм добро дека можам да победувам на турнири, па точката на гледиштето е различна. Но, кога бев млад да ме прашавте, ќе кажев дека ако влезам во најдобрите 100 ќе бидам најсреќен. Така што во моментов сето ова е само бонус”, искрено одговори тенисерот.
As a kid, for his parents to keep supporting his dreams, Jannik Sinner pledged to reach the top 200 by age 24.
One week removed from his 24th birthday, he sits at world No.1, and it all feels like a “big extra” now. pic.twitter.com/TsqsuxzGAH
— US Open Tennis (@usopen) August 22, 2025
