Оваа година турнирот во Синсинати ќе има нова шампионка, откако фаворитката и најдобра тенисерка во светот, Арина Сабаленка беше елиминирана во четврт-финалниот меч од Елена Рибакина.
26 годишната тенисерка од Казахстан, која моментално се наоѓа на 10-та позиција на ВТА листата, успеа да ја совлада минатогодишната шампионка со 6-1, 6-4 во сетови.
Ова е трет пат сезонава Рибакина да стигне до полуфиналето на ВТА 1000 настан, откако претходно го направи тоа во Дубаи и Монтреал, а вкупно 11 пат во нејзината кариера.
Следен предизвик за Рибакина ќе биде трето рангираната Ига Швјонтек, која во денешниот четврт-финален меч ја совлада Ана Калинскаја со резултат 6-3, 6-4 во сетови.
