Возбудливи и драматични мечеви ја одбележаа новата рунда во европските квалификации за Светското првенство 2026. Германците се вратија на победничките патеки, Белгија и Шпанија со шест гола ги “згазија” своите ривали, Холандија со херојски Депај, кој стана најдобриот холандски стрелец во историјата, ја совлада Литванија, а Македонија на Градски приреди фудбалска магија и со пет погодоци го декласираше Лихтенштајн.
Група А
Германија – Северна Ирска 3-1
Головите за Германија: Гнабри (7′), Амири (69′), Вирц (72′)
Голот за Северна Ирска: Прајс (34′)
Германија по поразот од Словачка веднаш се врати со победа во Келн. Гнабри отвори со елегантен лоб, Ирците преку Прајс израмнија со фантастичен волеј, но во второто полувреме Амири и Вирц со убави погодоци донесоа заслужени три бода.
View this post on Instagram
Луксембург – Словачка 0-1
Голот за Словачка: Риго (90′)
Томаш Риго во 90-та минута (буквално) донесе голема победа за Словачка, иако Луксембург имаше повеќе шанси од играта.
View this post on Instagram
Група Е
Грузија – Бугарија 3-0
Головите за Грузија: Кварацхелија (30′), Ганџидзе (44′), Микаутадзе (65′)
Кварацхелија повторно блесна! Со гол и асистенција го поведе својот тим до убедлив триумф. Ганџидзе и Микаутадзе ги заокружија трите бода во Тбилиси.
🤩🇬🇪 Full Time pic.twitter.com/p1uPtDH7Hz
— Georgia • GFF (@GeorgiaGff) September 7, 2025
Турција – Шпанија 0-6
Головите за Шпанија: Педри (6′ и 62′), Мерино (22′, 45+1′ и 57′), Торес (53′)
Апсолутна доминација на “црвената фурија”. Педри со два, Мерино со хет-трик и Торес со еден гол го претворија мечот во лекција по модерeн фудбал.
BIG UP, @mikelmerino1!! Ball straight home. 💥⚽#VamosEspaña | #FIFAWorldCup pic.twitter.com/8ZOTdJ7gWf
— Spanish Football (@SpainIsFootball) September 7, 2025
Група Г
Литванија – Холандија 2-3
Головите за Литванија: Гинеитис (36′), Гирдванис (43′)
Головите за Холандија: Депај (11′ и 63′), Тимбер (33′)
Историска вечер за Мемфис Депај! Со два погодоци стана најдобар стрелец во историјата на „лалињата“ и им донесе победа против тврдата Литванија. Тимбер беше друг стрелец за Холандија, додека домаќините возвратија преку Гинеитис и Гирдванис.
🇳🇱👑 Memphis Depay’s reaction to becoming Netherlands’ all-time top goalscorer! 🥇 pic.twitter.com/eJ43TraaC8
— EuroFoot (@eurofootcom) September 7, 2025
Полска – Финска 3-1
Головите за Полска: Кеш (27′), Левандовски (45+2′), Камински (54′)
Голот за Финска: Калман (88′)
Роберт Левандовски со гол и асистенција уште еднаш беше лидер на Полска. Кеш и Камински ја потврдија победата, а Калман само го ублажи поразот за Финците.
View this post on Instagram
Група J
Белгија – Казахстан 6-0
Головите на Белгија: Де Брујне (48′ и 84′), Доку (44′ и 60′), Раскин (51′), Мение (87′)
Шоу на Де Брујне и Доку! По два погодоци на нивна сметка, а Раскин и Мениe го заокружија убедливиот триумф за “црвените ѓаволи”.
Just another Kevin De Bruyne masterclass. 🎩 pic.twitter.com/ydJW8q22HM
— Belgian Red Devils (@BelRedDevils) September 7, 2025
Македонија – Лихтенштајн 5-0
Головите на Македонија: Елмас (15), Барди (52′), Чурлинов (56′), Ќамили (82′), Станковски (90′)
Спектакуларна вечер во Скопје! Елмас со гол за Пушкаш награда ја скрши одбраната на гостите уште во 15-та минута. Во вториот дел Барди и Чурлинов ја зголемија предноста, а радоста ја дополнија Ќамили и Стaнковски со својот првенец. Петарда која ја враќа Македонија на врвот на групата и носи огромна самодоверба пред клучните мечеви со Белгија и Казахстан.
