Свен Ботман денеска наполни 26 години, а роденденската торта дојде со посебен „фил“ – нов долгорочен договор со Њукасл Јунајтед.
Холандскиот дефанзивец, кој стана еден од столбовите на „Страчките“ откако пристигна од Лил во 2022 година, ја продолжи верноста кон клубот од „Сент Џејмс Парк“ до летото 2030 година.
Ова е огромна вест за навивачите на Њукасл, со оглед на тоа што Ботман се врати на терените во декември по тешката повреда на лигаментите (ACL) која го оддалечи од фудбалот скоро девет месеци.
„Благословен сум што го правам ова на мојот роденден“
Ботман не го криеше задоволството, споделувајќи емотивна фотографија на Инстаграм со својата ќерка Џулија, која се роди во септември.
„Потпишав нов договор со овој неверојатен клуб. Благодарен, горд и благословен што го правам ова на мојот роденден, не можев да побарам подобар ден. Возбуден сум за уште многу посебни моменти заедно“, напиша Ботман.
Менаџерот Еди Хау исто така беше пресреќен:
„Тој е извонреден играч за нас откако ни се придружи и цврсто верувам дека најдоброто од него допрва доаѓа. Ја цениме неговата присутност на и надвор од теренот“.
Ботман досега има одиграно 93 натпревари за Њукасл во сите натпреварувања, постигнувајќи 2 гола. Неговата смиреност и елеганција во одбраната му го донесоа прекарот „Ролс-Ројс“ меѓу навивачите.
