Ига Швјонтек повторно стреми кон врвот на ВТА листата, откако ја запечати и својата победа над Елена Рибакина во полуфиналето на турнирот во Синсинати.
Швјонтек ја победи Рибакина по четврти пат во меѓусебните дуели, после возбудливиот меч кој заврши со 7-5, 6-3 во сетови. Шампионката од Вимблдон губеше со 5-3 во првиот сет, пред да направи пресврт и да дојде до посакуваната победа.
“На почетокот нивото на игра беше на лудо ниво. Игравме многу брзо и понекогаш немаше време да се стигне до втората топка”, изјави Ига после мечот.
Претходно дента тешка задача имаше и Италијанката Јасмин Паолини која на крајот ја совлада Русинката Вероника Кудерметова со 6-3, 6(2)-7(7), 6-3 во сетови, за да стигне до финалето во Синсинати.
Сега двете финалистки ќе се сретнат утре на полноќ според македонско време, за крај на турнирот во Синсинати и предвесник за Гренд Слем турнирот УС Опен кој ни следува веднаш потоа.
