Повеќе од една деценија подоцна, контроверзниот трансфер на Робин ван Перси од Арсенал во лутиот ривал Манчестер Јунајтед сè уште предизвикува жестоки дебати. Во новото интервју кое повторно стана вирално, холандскиот голгетер се обиде да ја објасни својата страна на приказната, но со тоа само ги разгоре старите рани и предизвика гнев кај навивачите на Арсенал.
Верзијата на Ван Перси: “Сопругата (Арсенал) се умори од мене”
Во интервјуто, Ван Перси го спореди својот 8-годишен престој во Арсенал со брак, давајќи бизарно објаснување за своето заминување.
“Можете да го споредите тоа со брак. Јас и мојата сопруга, Арсенал, бевме во брак 8 години. По 8 години, мојата сопруга веројатно малку се умори од мене”, изјави тој, пред да го каже клучниот дел: “Факт е, Арсенал никогаш не ми понуди нов договор. Што правите тогаш? Гледате наоколу.”
Тој додава дека имал две опции, Манчестер Сити и Манчестер Јунајтед, но го избрал Јунајтед поради тоа што “Сер Алекс му го дал најдоброто чувство” и затоа што сакал да освојува титули.
Van Persie thinks people misunderstood his move to Manchester United
byu/TransitionMany1810 insoccer
Другата страна на приказната: Зошто навивачите го нарекуваат “змија”?
Реакциите на навивачите на социјалните мрежи беа брзи и жестоки. Многумина го нарекоа “лицемер” и “лажго”, потсетувајќи на другата страна на приказната.
Главната фрустрација на навивачите на Арсенал е фактот што клубот со години го поддржуваше и му даваше договори додека тој постојано се мачеше со тешки повреди. Кога конечно одигра една феноменална, целосна сезона без повреди, тој веднаш побара да си замине.
Фановите истакнуваат дека неговата изјава “не ми понудија договор” е лага, бидејќи и самиот во интервјуто додава дека “не се согласиле за неколку работи”. “Она што тој го мисли е: ‘не ми понудија договор каков што сакав'”, гласи еден од коментарите.
Најдобриот доказ за неговата вистинска мотивација е неговата позната изјава од тоа време:
“Претседателот на Арсенал ми ги покажа позитивните бројки за тоа колку е здрав клубот финансиски. Му реков: ‘Баш ми е гајле за бројките, сакам да го подигнам трофејот од Премиер лигата!'”
На крајот, Ван Перси го доби она што го сакаше – ја освои титулата со Манчестер Јунајтед уште во првата сезона, докажувајќи дека неговиот потег, иако контроверзен, беше успешен. Но, за навивачите на Арсенал, тој засекогаш ќе остане “змија”.
