За некој обичен вторник, за љубителите на фудбалот ден за Лигата на шампионите во кој паднаа неверојатни 43 погодоци! Во натпревари кои донесоа динамика, шутерски шоуа и фудбалски спектакли, видовме најразлични погодоци и неверојатни резултати на семафорите.
ПСЖ постигна дури седум погодоци во мечот со Леверкузен, Фермин со хет-трик помогна за победа од 6-1 на Барселона со Олимпијакос, ПСВ го шокираше италијанскиот шампион Наполи со 6-2, Арсенал постигна четири погодоци во 14 минути против Атлетико Мадрид, Халанд постигна погодок во 12-ти последователен меч со што се израмни со Кристијано Роналдо за најдолга низа на натпревари со постигнат гол…. Сè на сè 43 погодоци и многу случувања во за многумина само обичен вторник.
Љубителите на фудбалот синоќа имаа тежок избор да одберат кој натпревар ќе го следат, а дури ни најбрзите не успеаја да ги “фатат” многуте случувања на терените ширум Европа… Па, за сите кои нешто пропуштија, еве ги на едно место сите најдобри моменти и голови од вчерашниот ден во Лигата на шампионите.
Барселона 6-1 Олимпијакос
Каират 0-0 Пафос
Њукасл Јунајтед 3-0 Бенфика
ПСВ 6-2 Наполи
Леверкузен 2-7 ПСЖ
Унион СГ 0-4 Интер
Копенхаген 2-4 Дортмунд
Виљареал 0-2 Манчестер Сити
Арсенал 4-0 Атлетико Мадрид
