Фудбалска драма каква што се ретко гледа! Лидерот на Премиер лигата, Арсенал, го доживеа својот прв пораз од оној од Ливерпул во август, откако Астон Вила го совлада на „Вила Парк“ со 2-1 со погодок постигнат во последниот миг од натпреварот.
Човекот на одлука беше аргентинскиот херој, Еми Буендија, кој во 94-та минута со прецизен удар го испрати Арсенал на колена, нанесувајќи им го првиот лигашки неуспех по оној далечен пораз од Ливерпул во август. Триумфот го катапултира тимот на Унаи Емери на втората позиција, на само три бода зад „Топчиите“.
Емери ја продолжи неверојатната серија
Вила едноставно игра во животна форма. Ова беше седма последователна победа во сите натпреварувања, а деветта во последните десет првенствени меча, што е навистина серија за восхит.
Драмата започна рано, кога Мати Кеш донесе водство за домаќините во првото полувреме, откако одбраната на Арсенал делуваше деконцентрирано. Претходно, за Арсенал беше поништен гол на Еберечи Езе поради офсајд.
Микел Артета се обиде да ја сврти играта со замени. Влегувањето на Виктор Ѓокереш и Леандро Тросард веднаш се исплатеше. Токму Тросард, со својот 50-ти гол во Премиер лигата, израмни и ја врати надежта.
Арсенал притискаше за победа, а голманот Еми Мартинез со неверојатна интервенција го одбрани ударот на Мартин Одегард. Но, додека навивачите на Арсенал веќе ги гледаа бодовите, следуваше ладен туш: одбраната не успеа да исчисти една топка, а Буендија не прости! Неговиот удар заврши во мрежата, предизвикувајќи ерупција на „Вила Парк“ и нанесувајќи му го првиот горчлив пораз на Артета сезонава.
