Фудбалот понекогаш е многу повеќе од игра, а вечерва во Сантандер, пред почетокот на осминафиналето во Копа дел Реј, видовме момент кој долго ќе се прераскажува. Фудбалерите на Расинг Сантандер му оддадоа почит на новиот шампион на Суперкупот на Шпанија, Барселона, формирајќи почесен шпалир (Pasillo) при нивното излегување на теренот.
Зборот на Хосе Лопез вреди злато
Тренерот на Расинг, Хосе Лопез, уште пред два дена најави дека неговиот тим ќе го направи овој гест, и покрај тоа што Реал Мадрид одби да го стори истото по неделното финале. Лопез денес ја покажа големината на својот клуб.
„Почитта е пред сè. Успехот на Барселона заслужува признание. Ова е гест на чест, љубов и почит од Расинг кон клуб кој го претставува фудбалот на највисоко ниво“, изјави Лопез непосредно пред натпреварот.
The Guard of Honor for the Super Cup Champs! 🏆
— FC Barcelona (@FCBarcelona) January 15, 2026
Thanks, @realracingclub 🤝 pic.twitter.com/Qs60pZSAlD
Електрична атмосфера на „Ел Сардинеро“
Барселона не го посетила овој стадион уште од 2011 година, па затоа и не чуди што билетите беа распродадени за рекордно време. Навивачите на Расинг, иако сонуваат за елиминација на гигантот, со аплауз го поздравија потегот на своите фудбалери, покажувајќи дека спортските вредности сепак постојат.
За Барселона, овој натпревар доаѓа како круна на успешната недела во која со головите на Рафиња и Левандовски го совладаа вечниот ривал во Саудиска Арабија. Сепак, гестот на Расинг Сантандер е тој што ќе остане врежан во меморијата како доказ дека во шпанскиот фудбал сè уште има „џентлмени“.
