Карим Бензема имаше деби за паметење во дресот на својот нов клуб Ал Хилал. По само неколку дена откако го напушти Ал Итихад во трансфер кој предизвика вистински земјотрес, Французинот постигна хет-трик во победата од 6-0 против Ал Окдуд, потврдувајќи дека лидерот во првенството доби неверојатно засилување.
Магија во 60 минути
На Бензема му беа потребни само 31 минута за да го постигне својот прв гол за Ал Хилал, и тоа на карактеристичен начин – со атрактивен удар со пета. Шоуто продолжи во второто полувреме, кога во рок од само четири минути (од 60. до 64. минута), Карим постигна уште два гола по асистенции на Малком, комплетирајќи го својот прв хет-трик во новиот дрес. Пред да биде заменет во 73. минута, тој му возврати на Малком со асистенција, заокружувајќи ја совршената партија.
من كل الزوايا 🎥🔥
— رياضة ثمانية (@thmanyahsports) February 5, 2026
هدف فريق الهلال الأول في مرمى فريق الأخدود عن طريق اللاعب كريم بنزيما ⚽️
#الأخدود_الهلال | #دوري_روشن_السعودي pic.twitter.com/PSqnWFkbDq
Војна на ѕвездите: Роналдо во штрајк поради Бензема?
Додека Бензема слави, во противничкиот табор на Ал Наср владее хаос. Според светските медиуми, Кристијано Роналдо е бесен поради овој трансфер. Португалецот наводно смета дека државните фондови (ПИФ) му „го местат“ патот на Ал Хилал до титулата со тоа што му го овозможија потписот на Бензема.
Роналдо веќе пропушти еден натпревар во знак на протест, а странските медиуми тврдат дека тој ќе го прескокне и дербито против Ал Итихад. Фабрицио Романо известува дека Кристијано се чувствува непочитувано и смета дека балансот во лигата е нарушен.
Ал Хилал е „Реал Мадрид на Азија“
Со овој триумф, Ал Хилал се зацврсти на врвот на табелата со три бода предност пред Ал Ахли и четири пред Ал Наср. Бензема по мечот изјави дека неговиот нов клуб е „Реал Мадрид на Азија“, а по ваквото деби, тешко е некој да му противречи.
