Европската ракометна федерација (ЕХФ) на својот официјален Инстаграм профил објави специјално видео со кое го најави настапот на Македонија на претстојното Европско првенство 2026. Во главната улога – нашиот фантастичен среден бек, Марко Митев.
„Млад талент ја предводи Македонија“
ЕХФ не штедеше пофални зборови за Митев, нагласувајќи дека токму тој е моторот на новата, подмладена македонска селекција која по 8-ми пат по ред (а вкупно деветти) ќе биде дел од континенталниот собир.
„Млад талент ја предводи Македонија на нивното 8-мо по ред учество на ЕХФ Еуро. Можат ли да ја поминат групата Б против Данска, Португалија и Романија?“, стои во објавата која веднаш ги запали социјалните мрежи.
Светот го препознава квалитетот на Алкалоид
Ова е уште еден доказ за огромниот напредок на ракометарот на Алкалоид, кој со своите игри и во домашниот шампионат и во националниот дрес, стана препознатливо лице на европската ракометна мапа. Неговата брзина, креативност и храброст се токму она што ЕХФ сака да го види на големата сцена.
Погледнете го видеото со кое ЕХФ најави дека со Македонија и Митев, шоуто е загарантирано:
