Бојан Миовски е во неверојатна форма. 26-годишниот македонски репрезентативец беше централна фигура на вечерашниот натпревар, демонстрирајќи ја својата голгетерска класа и испраќајќи го Ренџерс во петтата рунда од Шкотскиот куп.
Рутина во првиот дел
Ренџерс влезе како апсолутен фаворит, а Миовски се погрижи тоа да се потврди на теренот уште во раната фаза. Првиот гол пристигна по една брза акција со „еден допир“, кога топката по неколку комбинации дојде до Македонецот, кој со прецизен и суптилен удар го совлада Албинсон.
Bojan Miovski slots home the first goal of the Fourth Round for @RangersFC! #ScottishCup pic.twitter.com/6TOkHzApMZ
— Scottish Gas Scottish Cup (@ScottishCup) January 16, 2026
Не помина многу време пред Миовски да ја удвои предноста. По одличниот центаршут на младиот Кертис, нашиот напаѓач беше највисок во скокот и со глава ја смести топката во мрежата за комотни 2:0 на полувремето.
— Rangers Football Club (@RangersFC) January 16, 2026
Печат на хет-трикот од белата точка
Иако во меѓувреме Киран Дауел зголеми на 3:0, Миовски беше „човек на мисија“ да ја земе топката дома. Тоа му успеа во 73-та минута. Откако Матондо беше соборен во казнениот простор, Миовски ја презеде одговорноста, го испрати голманот во погрешна насока и го комплетираше својот хет-трик за огромни овации од преполниот „Ајброкс“.
Конечните 5:0 ги постави Тело Осгард со вистински „проектил“ од слободен удар од 30 метри, крунисувајќи ја шесттата победа во низа за тимот на Дени Рол.
Miovski has his hat-trick 🎩#ScottishCup pic.twitter.com/lyAEnfwxrx
— Scottish Gas Scottish Cup (@ScottishCup) January 16, 2026
Нови засилувања и деби на млади таленти
Вечерта беше посебна за навивачите на Ренџерс бидејќи пред почетокот беше претставено новото засилување Андреас Сков Олсен, а деби пред домашната публика забележаа Точи Чуквани и 17-годишниот Зебеди Лосон.
Сепак, главните наслови во утрешните шкотски весници со сигурност ќе бидат посветени на „македонската машина за голови“ која не планира да сопре.
