Фудбалот во Уругвај доживува историски момент. За првпат по 125 години, најголемите ривали Насионал и Пењарол одлучуваат за титулата во финале кое се игра на нивните домашни стадиони (наместо на неутрален терен).
Првиот чин од оваа двомеч-драма, одигран на стадионот „Шампион на Векот“ (Campeon del Siglo), заврши без победник, 2-2, откако домаќините успеаја да се вратат од негатива од 0-2.
Насионал шокираше, Пењарол одговори
Гостите од Насионал започнаа фуриозно. Хуан Круз де лос Сантос (10′) и Гонзало Карнеиро (37′) донесоа шокантна предност од 0-2 среде домот на лутиот ривал. Пењарол делуваше загубено, но голот на Матијас Арецо во судиското надополнување на првото полувреме (45+4′) им даде надеж.
Во вториот дел, херој на домаќините беше Леонардо Фернандез, кој со прецизен удар од далечина во 54-тата минута го постави конечниот резултат 2-2.
First time in 125 years: Nacional-Peñarol title decided in their own stadiums, first leg ends 2–2
byu/bluefoxlive insoccer
Одлуката паѓа на „Гран Парк Сентрал“
Ова беше првпат по 2000 година титулата да се решава во два натпревара. Реваншот е закажан за следната недела на стадионот на Насионал, „Гран Парк Сентрал“. Со оглед на тоа што нема предност од гол на гости, шампионот на Уругвај ќе се решава во 90 минутен (или пенали) пекол во Монтевидео.
