Србија тргна на “рехабилитација” во Андора по поразот од Албанија… ама наместо рехабилитација, доби гол од пола терен!
Во 17-тата минута од вечерашниот натпревар, се случи момент за фудбалските најавни шпици. Гијом Лопез виде дека голманот на Србија, Ѓорѓе Петровиќ, си “брка муви” далеку од својот гол, и со проектил од речиси половина терен го лобуваше за шокантно водство на Андора!
За среќа на Србите, брзо успеаја да израмнат со комичен автогол, а Влаховиќ во второто полувреме донесе водство од 1:2.
Како и да е, Пикси можеби си отиде, ама циркусот во српската репрезентација очигледно продолжува.
