Додека Њукасл и Манчестер Сити го зазедоа „прајм-тајм“ терминот, попладневната програма во Премиер лигата донесе вистинска бура од изненадувања и пресврти. Ливерпул ја загуби шампионската трка од вид, Вулверхемптон тоне сè подлабоко, а „Црешите“ на Ираола покажаа неверојатен карактер.
Еве преглед на петте натпревари кои се одиграа во стандардниот термин од 16:00 часот.
Ливерпул – Нотингем Форест 0:3: „Шумарите“ го освоија „Енфилд“! 🌲
Најголемото изненадување на колото. Шампионот Ливерпул доживеа дебакл на свој терен од Нотингем Форест, кој со оваа победа избега од опасната зона. Муриљо (33′), Николо Савона (46′) и Морган Гибс-Вајт (78′) беа стрелци за гостите, кои целосно ја искористија летаргичноста на тимот на Арне Слот. Ова е шести пораз за Ливерпул во последните седум натпревари, што е алармантна статистика за „Црвените“.
Вулверхемптон – Кристал Палас 0:2: Иглс летаат високо! 🦅
Дебито на Роб Едвардс на клупата на „Волците“ заврши неславно. Кристал Палас ја продолжи својата одлична серија и со головите на Даниел Муњоз и Јереми Пино во второто полувреме стигна до нови три бода. Со оваа победа, Палас се искачи на неверојатното 4-то место на табелата, додека Вулверхемптон останува единствениот тим без победа оваа сезона.
Борнмут – Вест Хем 2:2: Пресврт и драма на „Виталити“ 🍒
Вест Хем имаше сè во свои раце со двата гола на Калум Вилсон во првото полувреме. Но, Борнмут не се предаде. Маркус Таверние намали од пенал, а резервистот Енес Унал постигна гол за израмнување само 46 секунди по влегувањето во игра во 80-тата минута.
Брајтон – Брентфорд 2:1: Тиаго трагичар во 94-та минута! 🔵⚪️
Вистински трилер на југот. Брентфорд поведе преку пеналот на Игор Тиаго. Брајтон направи пресврт со головите на Велбек и Хиншелвуд. Во судиското надополнување (90+4′), Тиаго имаше шанса да донесе бод од уште еден пенал, но голманот Барт Вербруген го одбрани неговиот удар и ја зачува победата за „Галебите“.
Фулам – Сандерленд 1:0: Хименез херој на „Крејвен Котиџ“ 🏠
Во тврд натпревар, Фулам ја прекина серијата без пораз на „Црните мачки“. Човек на одлука беше мексиканецот Раул Хименез, кој го постигна единствениот гол во 84-тата минута по асистенција на Чуквуезе.
Следете нè: Facebook | Instagram | X
