Младата репрезентација на Македонија до 21 година со херојски пресврт во второто полувреме стигна до голема и важна победа од 2:1 против Ерменија, на отворањето на квалификациите за Европското првенство. Иако “надежите” имаа негатива на полувремето, во вториот дел, предводени од извонредниот Димитар Трајков, успеаја да направат целосен пресврт и да ги освојат првите три бода.
Шок во првото полувреме, па доминација во второто
Натпреварот во Битола не започна добро за нашите млади фудбалери. Гостите од Ерменија одиграа цврсто и успеаја да поведат во 38-тата минута со голот на Нарек Ховханисјан.
Сепак, во второто полувреме, избраниците на Горан Станиќ излегоа на теренот со сосема поинаков пристап. Притисокот вроди со плод во 54-тата минута, кога по корнер на Мерџан Хамза, Димитар Трајков израмни на 1:1.
Трајков, човекот на одлука: Гол по киксот на голманот!
Кога се чинеше дека натпреварот ќе заврши без победник, на сцена повторно стапи херојот на вечерта. Во 83-тата минута, по една долга топка од половина терен, голманот на Ерменија, Давит Давтјан, направи катастрофална грешка. Тој лошо ја процени топката, која го прескокна и се упати кон празниот гол. Човекот на одлука повторно беше Димитар Трајков кој што донесе огромна радост на трибините.
Ова е голем триумф за нашите надежи на стартот од квалификациите и најава за успешен циклус.
За да го погледнете првиот гол на Ерменија, кликнете овде.
За да го погледнете израмнувачкиот гол на Трајков, кликнете овде.
За да го погледнете победничкиот гол и грешката на голманот, кликнете овде.
