Иако Еурофарм Пелистер загуби од моќната Барселона, еден момент од тој натпревар ќе се памети уште долго. Спектакуларниот гол на Дејан Манасков го доби заслуженото признание од ЕХФ и беше прогласен за најубав гол во 5. коло од Лигата на шампионите!
Ова е втора недела по ред како играч на македонскиот шампион го има најатрактивниот погодок, откако минатата недела оваа чест му припадна на Павле Атанасијевиќ.
🔥 𝙏𝙊𝙋 5 𝙂𝙊𝘼𝙇𝙎 – Round 4 powered by Gorenje!
1️⃣ Pavle Atanasijevikj – HC Eurofarm Pelister
2️⃣ Mario Sostaric – OTP Bank-PICK Szeged
3️⃣ Martim Costa – Sporting Clube de Portugal
4️⃣ Thiagus Petrus – One Veszprém HC
5️⃣ Tobias Grøndahl – Füchse Berlin#ehfcl #CLM #handball pic.twitter.com/s9nelT04zG— EHF Champions League (@ehfcl) October 10, 2025
Лет во вечноста: Како Митревски и Манасков го “излажаа” најдобриот голман во светот
Магијата се случи во финишот на натпреварот, кога целата сала во Битола “експлодираше”. Сè започна од голот на Никола Митревски, кој испрати долга, милиметарски прецизна топка кон својот соиграч. А таму, Дејан Манасков, како во најдобрите денови, “полета” во воздухот, ја фати топката и од неверојатно тежок агол, го матираше еден од најдобрите голмани на светот, Емил Нилсен.
Во конкуренција за најубав гол беше и мајсторијата на Данецот Матијас Гидсел, но тој мораше да се задоволи со второто место, зад ремек-делото на македонскиот тандем.
Погледнете ја магијата на Митревски и Манасков:
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025
На крајот, ова е голема утеха за поразот и доказ дека, и покрај сè, во Битола се игра ракомет од светска класа.
