Последното коло во американската МЛС лига пред паузата за Светското првенство донесе незаборавен гол-спектакл со дури 10 погодоци, во кој Интер Мајами славеше против Филаделфија Унион со 4-6. Сепак, централна фигура на овој натпревар беше фудбалерот со македонски корени, Милан Илоски, кој одигра натпревар за паметење и постигна хет-трик во само едно полувреме.
Покрај извонредната спортска партија, овој натпревар имаше и посебна емотивна тежина бидејќи Илоски на своите гради со гордост го носеше македонското знаме.
Епско прво полувреме и пресметка со Суарез и Меси
Филаделфија Унион влезе во овој дуел со специјално дизајнирани дресови. По повод претстојниот Мундијал, клубот им дозволи на играчите да го истакнат знамето на земјата на нивното потекло. Илоски, кој е роден во Калифорнија но никогаш не го криел своето македонско потекло, на дресот ги спои американското и македонското знаме.
Со македонското сонце на градите, офанзивецот тргна фуриозно:
3. минута: Илоски ја отвори серијата и донесе водство од 1-0.
Soccer is a team sport 🤩 pic.twitter.com/ip5cmogqcy
— Philadelphia Union (@PhilaUnion) May 24, 2026
10. минута: Со својот втор погодок брзо зголеми на 2-0.
Milan had a brace within the first 10 mins 🥳 pic.twitter.com/tPT1smxIbb
— Philadelphia Union (@PhilaUnion) May 24, 2026
45+ минута: Во судиското продолжение од првиот дел, Илоски прецизно погоди за 4-4, заокружувајќи го својот прв хет-трик во МЛС по само едно полувреме.
Milan Iloski bags the hat trick! 🎩
— Major League Soccer (@MLS) May 25, 2026
And we’re tied at 4-4 in the first half on Apple TV and FOX. pic.twitter.com/jn538bxWtb
На спротивната страна, Интер Мајами одговори со иста мера. Искусниот Луис Суарез исто така запиша хет-трик, додека Лионел Меси учествуваше со две асистенции пред предвреме да го напушти теренот во 73. минута поради повреда. Во второто полувреме гостите постигнаа уште два гола за конечни 4-6.
Клучен мотор на Филаделфија и сериозен потенцијал за репрезентацијата
Илоски е дефинитивно главен креатор на играта на Филаделфија Унион оваа сезона. Тој ги започна сите натпревари во првата постава, ги изведува сите прекини и пенали, а со денешниот ефект стигна до 7 директни учества во головите на својот тим во тековниот шампионат. Ова е продолжение на неговата одлична форма од минатата година, кога играјќи за Сан Диего и Филаделфија запиша 17 гол-придонеси на 23 натпревари.
Според фудбалските пазари, пазарната вредност на Илоски моментално изнесува околу 3 милиони евра. Доколку во иднина се донесе одлука тој да ги брани боите на македонската А-репрезентација, Илоски веднаш би се позиционирал меѓу највредните и најважните играчи во националниот тим.
