Стадионот „Тумба“ во Солун денеска беше место на огромна тага и последна почит. Телата на седумте навивачи на ПАОК, кои ги загубија животите во страшната сообраќајна несреќа во Романија, беа донесени пред домот на нивниот сакан клуб за последен пат.
Последен поздрав пред „Тумба“
Илјадници навивачи, облечени во црно, се собраа пред влезот на стадионот за да ги пречекаат ковчезите на своите пријатели и браќа од трибината. Со запалени факели, симболичното веење на знамињата и навивачки поздрав, Солун се прости од седумте млади животи кои прерано згаснаа на патот кон Лион. Пред стадионот беа положени стотици венци и шалови, а клупските претставници и фудбалерите исто така оддадоа почит на настраданите.
A final farewell to the seven PAOK fans who died in a car accident in Romania. The bodies were brought in front of the PAOK stadium, where a large number of fans gathered and paid their last respects. 🖤🤍💔 pic.twitter.com/DZaxv4QBsQ
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) January 29, 2026
Трагедија која го потресе Балканот
Несреќата се случи пред два дена во близина на Темишвар, Романија, кога комбето со десет навивачи на ПАОК директно се судри со камион. Истрагата покажа дека до хаваријата дошло поради дефект или непрецизност на новата технологија за помош при следење на коловозната лента (lane assist), што довело до фатално скршнување на возилото. Навивачите го избрале подолгиот пат преку Бугарија и Романија за да избегнат пасошки контроли низ земјите кои не се дел од ЕУ.
