Во драматично четвртфинале, Валенсија на нашиот Столе Димитриевски претрпе болен пораз од Атлетик Билбао со 1-2, примајќи гол во буквално последниот напад на натпреварот.
Димитриевски во елемент, Садик од трагичар до херој
Натпреварот започна бизарно за домашните навивачи кога Умар Садик си постигна автогол во 26. минута, но истиот фудбалер подоцна успеа да ја поправи грешката и да израмни на 1-1, враќајќи ја надежта кај „лилјаците“.
Во второто полувреме, кога притисокот на гостите беше најголем, на сцена стапи нашиот репрезентативен голман. Во 75. минута беше досуден пенал за Атлетик Билбао, но Столе Димитриевски го одбрани ударот, испраќајќи ја „Местаља“ во делириум и најавувајќи продолженија.
Y parece que de penaltis parados va la cosa…
— RFEF (@rfef) February 4, 2026
¡¡Dimitrievski le para uno a Jauregizar en Mestalla!!
📺 @MPlusDeportes
🆚 @valenciacf | 1-1 | @AthleticClub | 75’#CopaDelReyMapfre | #LaCopaMola🏆 pic.twitter.com/omgWAuEGqF
Сепак, во 96. минута, браќата Вилијамс ја покажаа својата магија. Помладиот Нико центрираше, а Ињаки Вилијамс со фантастичен волеј го совлада Димитриевски за конечни 1-2 и пласман на тимот од Билбао во полуфиналето.
Реал Сосиедад се приклучи на Барса
Покрај Атлетик Билбао, место во најдобрите четири обезбеди и Реал Сосиедад, кој во возбудливо баскиско дерби славеше на гости кај Алавес со 2-3. Ојарзабал, Гуедеш и Оскарсон беа стрелци за тимот од Сан Себастијан, додека Алавес не успеа да направи целосен пресврт и покрај двата гола во вториот дел.
Ждрепката за полуфиналето ќе се одржи во понеделник, каде веќе чека и Барселона, а последниот патник ќе биде познат по утрешниот дуел меѓу Бетис и Атлетико Мадрид.
