Вулверхемптон можеби поминува низ најтешката сезона во поновата историја на Премиер лигата, цврсто приковани за дното на табелата, но клубот викендов покажа дека сепак знае како да извојува голема победа – онаа на човечки план.
„Кражбата“ која го обиколи светот
Пред точно две недели, за време на натпреварот против Њукасл, камерите снимија момент кој веднаш стана вирален. Малиот навивач на „волците“, Рори, почна неутешно да плаче на трибините откако неговиот татко му украде еден од пилешките крокети. Сцената беше и комична и тажна, а фановите ширум светот веднаш побараа „правда“ за малиот Рори.
Маскотата Вулфи во улога на доставувач
Клубот од „Молињу“ реши дека не смее да дозволи нивниот млад навивач да има лоши спомени од стадионот. На последниот домашен меч против Борнмут, официјалната маскота Вулфи се појави на трибините со специјална испорака.
Директно на седиштето на Рори му беше доставена свежа порција пилешки крокети, додека спикерот на стадионот преку разгласот испрати јасна порака: „Се надеваме дека овие крокети ќе ја надоместат разочараноста од пред две недели. И овој пат, тато, не смееш да се приближуваш до нив!“.
You may remember the footage of this young supporter from our last game at Molineux…
— Wolves (@Wolves) February 1, 2026
Yesterday, Wolfie and the @Young_Wolves team surprised Rory in the stands with a fresh box of chicken nuggets. pic.twitter.com/9sz2yz92Zk
Подарок кој се памети цел живот
Покрај омилената храна, Рори на подарок доби и нов дрес од клубот, како и членска картичка за млади навивачи на клубот, претворајќи го лошото искуство во спомен кој ќе го чува засекогаш. Иако Вулверхемптон е на дури 18 бода од зоната за опстанок, со овој гест тие дефинитивно ги освоија симпатиите на целата фудбалска јавност.
Понекогаш, еден гест и една порција нагетси значат многу повеќе од трите бода на теренот.
