Канаѓанецот Феликс Оже-Алијасим и Австралијанецот Алекс де Минор, вечерва одиграа навистина возбудлив меч за влез во полуфиналето на Отвореното првенство во САД.
Феликс успеа да го совлада Де Минор со 3:1, а откако го изгуби првиот сет, успеа во тешка борба да ги освои наредните три за конечен резултат од 4-6, 7(9)-6(7), 7-5, 7(7)-6(4) во сетови.
Публиката уживаше во мечот, а Оже-Алијасим се врати на големата сцена на Гренд Слем турнирите.
“Се чувствувам неверојатно. Четири години… искрено, ми изгледаат како повеќе. Ова беа неколку тешки години, но затоа сега чувството да се биде во полуфиналето е уште подобро”, изјави Феликс по победата.
Тој во полуфиналето ќе се сретне со италијански противник, односно подобриот од дуелот меѓу Јаник Синер и Лоренцо Мусети.
Soaring FAA 🚀
Auger-Aliassime survives De Minaur in four sets to reach the final four! pic.twitter.com/5B7iy3eDBX
— US Open Tennis (@usopen) September 3, 2025
