За некој час на легендарниот тревен терен на Вимблдон ќе се сретнат младите тенисери кои полега го заземаат своето место меѓу легендите – Јаник Синер и Карлос Алкараз.
Но, пред нив постоеше една константа на финалињата на престижниот тениски турнир. Тоа беше српскиот тенисер Новак Ѓоковиќ.
Историјата на Ноле на Вимблдон е можеби една од најимпресивните, а денес за прв пат после 2018 година, ќе гледаме финале без него. Тој во полуфиналниот меч изгуби од Јаник Синер, но после натпреварот призна дека едноставно годините си го прават своето.
Сепак, на 38 години Ѓоковиќ покажа импресивна игра и физичка подготвеност, па публиката го поздрави седумкратниот шампион со громогласен аплауз после натпреварот.
Освен во 2020 година, кога Вимблдон беше откажан поради ковид пандемијата, Ноле успеа да дојде до финалето во изминатите шест последователни години, со што е вистинска легенда на овој турнир.
Во 2018, 2019, 2021 и 2022 година тој стигна до трофејот, а во 2023 и 2024 година изгуби од младиот Карлос Алкараз кој денес во 17:00 часот ќе се сретне со Јаник Синер за испишување на нова историја и желба за хет-трик.
It’s been a pleasure to watch your tennis at #Wimbledon this year, Novak
Congratulations on your run at The Championships 2025 pic.twitter.com/nnjteBGoKk
— Wimbledon (@Wimbledon) July 11, 2025
