Македонскиот репрезентативец Ненад Димитријевиќ ја започна својата авантура во Баерн Минхен на најдобар можен начин, со победа! Во натпревар полн со поени и пресврти, Баварците славеа против Басконија со 96:89 во рамките на 20. коло од Евролигата.
Another debut pending! 👀@Neno_D7 will suit up for @FCBBasketball for the first time tonight vs @Baskonia…
— EuroLeague (@EuroLeague) January 7, 2026
Predict his stat line 👇 pic.twitter.com/MnBRXyIVwl
Ова беше прв натпревар за Димитријевиќ во дресот на германскиот гигант по неговиот трансфер, а популарниот „Нено“ веднаш покажа дека ќе биде сериозно засилување за четата на Светислав Пешиќ.
Солидни бројки за 17 минути
Димитријевиќ на паркетот во „САП Гарден“ помина нешто повеќе од 17 минути и за тоа време имаше забележителен учинок. Тој го заврши мечот со 8 поени (1/2 за два, 6/7 од линијата за слободни фрлања), а на тоа додаде и 4 асистенции и 3 скока.
Особено важни беа неговите минути во третата четвртина кога Баерн се мачеше да фати приклучок, како и смиреноста од линијата за пенали во клучните моменти.
🚨 HIGHLIGHT-ALERT! 🚨
— FC Bayern Basketball (@FCBBasketball) January 7, 2026
Neno Dimitrijevic scores and draws the foul, 01/07/2026
Watch all @EuroLeague games on #MagentaSport!#FCBB #WeBallTogether pic.twitter.com/nPH121XubO
Обст „полуде“, Баерн експлодираше во финишот
Иако Димитријевиќ имаше одлично деби, апсолутен херој на вечерта беше Андреас Обст. Германскиот снајпер одигра натпревар на кариерата, постигнувајќи неверојатни 37 поени со шут за три поени 7/11.
Баерн губеше во поголемиот дел од мечот, но благодарение на фантастичната последна четвртина која ја добија со 36:20, успеаја да направат целосен пресврт и да стигнат до шестата победа сезонава.
Кај гостите, најдобар беше Матео Спањоло со 20 поени.
