Кога Денвер Нагетс го имаат својот препознатлив стартен состав на паркетот, тие изгледаат застрашувачки. Тоа на своја кожа го почувствуваа кошаркарите на Хјустон Рокетс, кои беа демолирани во Колорадо со убедливи 129-93.
Магичниот број 25 за „Џокерот“
Никола Јокиќ уште еднаш покажа зошто е главен фаворит за секое индивидуално признание. Српскиот центар ја запиша својата 25-та трипл-дабл партија сезонава, постигнувајќи 16 поени, 13 асистенции и 12 скока. Неверојатно звучи податокот дека ова е 15-ти пат сезонава Никола да ги пополни сите три статистички колони пред воопшто да започне последната четвртина.
Denver’s NBA All-Stars in tonight’s big win:
— NBA (@NBA) March 12, 2026
Jamal Murray: 30 PTS, 3 3PM
Nikola Jokić: 16 PTS, 12 REB, 13 AST, 5 STL pic.twitter.com/NgEHXNHFyO
Шампионскиот Денвер се врати со полна сила
За првпат по средината на ноември, тренерот Дејвид Аделман го имаше на располагање својот прв стартен состав, а резултатот беше веднаш видлив. Џамал Мареј беше најефикасен со 30 поени, диктирајќи го темпото во натпреварот кој се прекрши во третиот период.
Во тој дел од мечот, Денвер буквално ги збриша гостите со 40-22, додека шутот на Хјустон беше катастрофален (само 4 погодени тројки од 33 обиди).
Денвер го „изгасна“ Дјурант
Одбраната на Нагетс заврши огромна работа со тоа што го неутрализираше Кевин Дјурант. Еден од најдобрите стрелци во историјата беше ограничен на само 11 поени, упатувајќи само 8 шутеви кон кошот, што е негов сезонски минимум. Со оваа победа, Денвер се приближи на само половина натпревар до Хјустон во пеколната трка на Западот.
