Во сезона во која Манчестер Јунајтед мораше одново да го пронаоѓа својот идентитет, еден човек не дозволи тимот да потоне во просечност. Капитенот Бруно Фернандеш е официјално прогласен за најдобар фудбалер во Премиер лигата за сезоната 2025/26. Ова престижно признание, кое доаѓа по комбинираните гласови на навивачите и стручното жири, е апсолутно чиста и заслужена валоризација на формата на Португалскиот плејмејкер, кој беше главниот мотор под водство на Мајкл Карик за обезбедување на треттото место и виза за Лигата на шампионите.
По стапките на Анри и Де Брујне: На чекор до апсолутен рекорд
Фернандеш зад себе остави застрашувачка статистичка сезона во која на 37 натпревари директно учествуваше во дури 28 голови, постигнувајќи осум погодоци и запишувајќи 20 асистенции. Токму неговата последна асистенција до Брајан Мбеумо во победата над Нотингем Форест (3:2) го лансираше Португалецот на вечната листа, израмнувајќи го со легендарниот Тијери Анри и диригентот на Манчестер Сити, Кевин Де Брујне, како играчи со најмногу асистенции во една премиерлигашка сезона.
Шансата за влез во историјата како апсолутен крал на креативноста Бруно ќе ја има веќе утре, на финалниот натпревар на гости кај Брајтон. Колку Фернандеш беше осамен во својот генијален свет на теренот најдобро илустрира уште еден нестварен податок: тој креираше дури 132 чисти шанси во тековното првенство – дури 58 повеќе од второпласираниот на таа листа, Доминик Собослаи од Ливерпул. Со овие бројки, тој веќе го сруши клупскиот рекорд на Дејвид Бекам од сезоната 1999/2000, кој тогаш застана на 15 сезонски асистенции.
An unforgettable season 🤩 pic.twitter.com/LyFXHvu1qu
— Premier League (@premierleague) May 23, 2026
Од чекор до Саудиска Арабија до фудбалска бесмртност
Актуелниот успех добива уште поголема тежина ако се вратиме точно една година наназад. Минатото лето иднината на Фернандеш во Манчестер беше под сериозен знак прашалник поради астрономската понуда од саудискиот Ал-Хилал. Клубот му ја остави одлуката нему, а клучната улога ја одигра неговата сопруга, која со мудри зборови го запраша дали навистина постигнал сè што сакал на „Олд Трафорд“. Една година подоцна, навивачите и управата на Јунајтед мора да ѝ бидат бескрајно благодарни.
Кога сезоната на Јунајтед висеше на работ по уривањето на претходниот проект и доаѓањето на Мајкл Карик, капитенот испорача 16 гол-придонеси во 15 меча, кревајќи го тимот на свои грб. Тој е првиот играч по Вејн Руни во сезоната 2009/10 кој ја доби престижната награда за Фудбалер на годината од Асоцијацијата на фудбалски новинари (FWA), а воедно стана и седмиот играч во историјата на Јунајтед со премиерлигашка уредничка круна, застанувајќи рамо до рамо со Шмајхел, Јорк, Ван Нистелрој, Роналдо и Видиќ.
„Она што го направи Бруно оваа сезона е надвор од секоја логика. Да се израмниш со Де Брујне и Анри во тим кој помина низ толку транзиции е магичен момент“, истакна поранешниот дефанзивец Гери Невил, додека менаџерот Карик кусо додаде: „Тој едноставно има природен дар да знае што се случува околу него и да создава простор таму каде што другите гледаат само ѕид“.
Клучен доказ за неговото влијание е фактот што неговите пасови и голови директно му донесоа 21 бод на Манчестер Јунајтед оваа сезона, што е нов рекорд во историјата на натпреварувањето за тоа колку еден поединец може да биде круцијален за конечниот успех на својот тим. Пред да ги спакува куферите за Светското првенство во Северна Америка со Португалија, на Бруно му останува уште една уредничка задача во Брајтон – да го скрши рекордот и официјално да стане најкреативниот поединец кој некогаш газел на англиските терени.
