Кристијано Роналдо се огласи во микс-зоната на стадионот „АТ&Т“ по болната елиминација на Португалија од Светското првенство. Откако неговиот тим претрпе пораз од Шпанија во осминафиналето, 41-годишниот капитен ја напушти најголемата фудбалска сцена, но тоа го прави со крената глава и јасна порака до своите критичари.
Чиста совест и историско наследство
И покрај фактот што Мундијалот во 2026 година заврши неславно за португалската репрезентација, Роналдо децидно изјави дека не чувствува вина и дека мирно ќе продолжи понатаму. Пред присутните новинари, тој ја даде следната изјава:
„Најголемата титула што ја освоив со репрезентацијата беше ЕВРО 2016, која за мене има иста важност како и Светското првенство, искрено. Утре ќе станам исто како што станав и денес: со чиста совест. Дадов сè од себе, освоив три титули за Португалија… А Португалија немаше освоено ниту една титула пред Кристијано.’
Ronaldo Cristiano na zona mista do AT&T Stadium, após a eliminação de Portugal da Copa do Mundo:
— LIBERTA DEPRE (@liberta___depre) July 6, 2026
“Amanhã levanto-me como me levantei hoje: de consciência tranquila. Dei o meu melhor, ganhei três títulos por Portugal… E Portugal não tinha ganho nenhum título antes de… pic.twitter.com/ENimJm36js
Мундијалот не му недостига?
Иако Светското првенство останува единствениот голем трофеј кој му недостасува во неговата импозантна витрина, Роналдо со овие зборови јасно стави до знаење колкава е тежината на европската круна за него. Португалската легенда потенцираше дека историјата што ја испиша со националниот тим е доволна за да се чувствува исполнето, изедначувајќи го успехот од 2016 година со евентуално освојување на светскиот фудбалски врв.
