Светското првенство 2026 и технолошките „чуда“ на ФИФА дефинитивно станаа глобален хит за исмејување. Откако фамозниот сензор во топката магично детектираше микро-допир на влакно од косата на Игор Матановиќ, а остана целосно „слеп“ на дебел телевизиски кабел при голот на Англија, на сеирот се приклучи и човек од кој најмалку очекувавме, шаховската легенда Гари Каспаров.
Шах-мат од велемајсторот кој не трпи диктатури
За оние кои можеби не го знаат (иако такви се малку), Гари Каспаров е легендарниот 13-ти светски шаховски шампион и еден од најголемите умови во историјата на спортот. Денес, тој е истакнат политички активист, основач на иницијативи за демократија и жесток критичар на диктатурите. Токму затоа, неговиот сарказам насочен кон ФИФА, организација која фановите на мрежата Икс (X) веќе иронично ја нарекуваат „спортски Кремљ“ доаѓа како совршен потег.
„Каблите да се прават од хрватска коса!“
Во својот најнов твит, Каспаров ја „матираше“ светската куќа на фудбалот со само една брутална реченица, исмевајќи ги нивните двојни технолошки аршини: „ФИФА од сега натаму мора сите кабли за камерите да ги прави од хрватска коса!“
FIFA must make all camera wires out of Croatian hair from now on! https://t.co/yC80HvCIBV
— Garry Kasparov (@Kasparov63) July 12, 2026
Коментарите под неговата објава се вистинско злато за нашата рубрика. Фановите иронично додаваат дека „хрватското влакно е посилно од кевлар“ и дека има капацитет да пренесува 1.000 терабајти во секунда, што конечно објаснува зошто ВАР собата добила сигнал за офсајд уште пред да почне натпреварот.
Апсурдот на ФИФА дефинитивно ги надмина фудбалските терени и стана инспирација за врвна глобална комедија. Кој би рекол дека ВАР технологијата ќе стане омилена тема за шаховските велемајстори?
