Вчерашниот 14 јули требаше да биде ден за историско двојно славје во Франција. Националниот празник „Ден на Бастилја“ идеално се поклопи со полуфиналето на Светското првенство, а навивачите веќе го гледаа својот тим како чекори кон ново големо финале. Но, наместо еуфорија, Шпанија им сервираше болна елиминација (0-2), која на улиците во Париз експресно се претвори во насилство, вандализам и жестоки судири со полицијата.
Француската престолнина синоќа гореше, но не од славенички огномет, туку од бес и фрустрација на хулиганите кои спортскиот пораз го искористија како изговор за уништување на сопствениот град.
Paris is burning right now after 🇫🇷 France’s World Cup semifinal loss to 🇪🇸 Spain.
— Sumit (@SumitHansd) July 15, 2026
Few hours earlier, Macron tried to present France as an island of peace during the military parade.
This looks like the beginning of a civil war… pic.twitter.com/z6DKTcnX0R
Огномети кон пожарникарите и речиси стотина уапсени
Париското јавно обвинителство официјално потврди дека хаотичната ноќ завршила со дури 98 уапсени лица, меѓу кои и 21 малолетник. Најголемиот дел од нив се товарат за тешки кражби, вандализам и поседување на запаливи материјали.
Фрустрацијата од поразот на „Триколорите“ била истурена и полицијата и пожарникарните станици. На улицата „Рајмонд Кено“, на периферијата од центарот, хулиганите запалиле 12 контејнери за ѓубре, а кога пожарникарите пристигнале да го гаснат огнот, биле брутално нападнати со пиротехнички проектили. Покрај тоа, настрадале и повеќе локални маркети, продавници и приватни автомобили.
Победа или пораз – насилството во Париз стана тажна традиција
Француските власти беа свесни за огромниот безбедносен ризик од поклопувањето на националниот празник и фудбалскиот спектакл. На улиците биле распоредени дури 5.000 локални полицајци, поддржани од дополнителни 2.000 припадници на специјалната жандармерија и 2.000 пожарникари.
Иако беа воведени строги рестрикции за консумирање алкохол на јавни места и стриктна забрана за транспорт на пиротехника, тоа очигледно не ги спречи инцидентите. Всушност, ваквата слика за жал стана секојдневие за француската престолнина. Ова не е ништо ново – без разлика дали репрезентацијата или локалните клубови победуваат или губат, улиците на Париз секогаш завршуваат во хаос и насилство.
Само за потсетување, во мај годинава, откако ПСЖ го победи Арсенал и ја освои Лигата на шампионите, француската полиција уапси неверојатни 780 лица за време на нивната „прослава“. Очигледно, фудбалот во Париз одамна престана да биде само спорт и стана редовен изговор за деструкција и дивеење на хулиганите, без разлика на конечниот резултат.
Paris is burning right now after 🇫🇷 France's World Cup semifinal loss to 🇪🇸 Spain.
— Sumit (@SumitHansd) July 15, 2026
Few hours earlier, Macron tried to present France as an island of peace during the military parade.
This looks like the beginning of a civil war… pic.twitter.com/z6DKTcnX0R
Горчлив крај на мундијалскиот сон
Насилството на улиците само ја комплетираше мизерната слика која Франција ја остави на теренот во Далас. Тимот на Дидие Дешамп беше тактички надигран од интелигентната Шпанија, а головите на Микел Ојарзабал од пенал и Педро Поро засекогаш го уништија сонот за трето по ред мундијалско финале за Французите.
Додека Франција денес ги брои уапсените хулигани и ја проценува материјалната штета низ градот, Шпанија мирно го чека победникот од вечерашниот дуел меѓу Англија и Аргентина за да дознае против кого ќе се бори за светскиот трон во Њујорк.
