“Ние одигравме 63 натпревари оваа сезона! Европските клубови дојдоа на ова натпреварување поинаку од јужноамериканските (вклучувајќи го и Флуминенсе), кои имаат одиграно помалку натпревари. Условите се поразлични за едните и за другите…”, изјави Мареска, повторно форсирајќи ја нарацијата дека европските клубови одиграа на незадоволително ниво на овој турнир поради “презафатениот распоред”.
Но, новинарот веднаш побрза да го поправи: “Но, Флуминенсе има одиграно 70 натпревари оваа сезона. Во ист период како и вашиот клуб. Тоа се повеќе натпревари”.
И Мареска немаше одговор. Ниту еден збор за да му врати на новинарот.
Maresca: “We’ve played 63 games this season! European teams come into this competition differently than the South Americans. The conditions are different”
Journalist: “Fluminense has played 70 games this season, in the same span.”
Maresca: …..pic.twitter.com/rqoNI5VhaP
— All Things Brazil™ (@SelecaoTalk) July 7, 2025
Интересно е дека нарацијата за европските клубови започна уште на самиот старт на првенството – тие велеа дека повеќето гиганти не се на ниво на задачата поради огромниот премор од сезоната, дека имаат одиграно премногу натпревари и дека нивниот распоред е пренатрупан во однос на другите нации кои играа на Светското клупско првенство.
И иако се согласуваме дека овој турнир можеби е премногу дури и за љубителите на фудбал кои едноставно сакаа да одморат од гледање натпревари и за играчите кои сакаат да се рехабилитираат, сепак уште на самиот старт јужноамериканците на социјалните мрежи пишуваа дека нивните клубови имаат одиграно повеќе натпревари, а тоа особено се однесуваше на бразилските тимови.
For those who are talking about the number of games. Brazilian teams play much more than European teams pic.twitter.com/GgE4bKu9HT
— Pedroˢᵉᵖ (@Pedro1914_) June 17, 2025
Инаку, сите четири бразилски тима ја поминаа групната фаза и одиграа вистински спектакли од натпревари против европските гиганти, па ниту малку може да им се одземе од заслугите за таа игра и победи. Тие дојдоа на овој турнир гледајќи го како шанса да докажат дека играат светски фудбал со играчи кои се на врвно ниво, а сега кога сме на прагот на полуфиналето, каде Флуминенсе единствен гордо стои покрај трите европски гиганти, може да кажеме дека сосема заслужено се најдоа тука.
