Најголемите фаворити за освојување на трофејот на турнирот во Синсинати, Јаник Синер и Карлос Алкараз, успешно ги поминаа осминафиналните мечеви и се пласираа во четвртфиналето на турнирот.
Јаник Синер мораше да почека да заврши прекинот поради поројниот дожд за да дојде до победата над Адријан Манарино, кој на крајот го победи со 6-4, 7(7)-6(4) во сетови.
Шпанецот Алкараз помина полесно против Италијанецот Лука Нарди, кого го совлада со резултат 6-1, 6-4 во сетови.
🇪🇸 VAMOS 🇪🇸 pic.twitter.com/9SgqoWg65I
— Cincinnati Open (@CincyTennis) August 14, 2025
Во машка конкуренција вчера остварија победи и Американецот Бен Шелтон кој го совлада Роберто Баутиста со 7(7)-6(3), 6-3 во сетови, како и Андреј Рублев кој лесно помина во мечот против Франциско Комесана, со резултат 6-2, 6-3 во сетови.
Откако вчера Руне службено го доби мечот поради повредата на противникот Тијафо, доцна синоќа уште еден меч заврши со истата судбина. Имено, Александер Зверев службено го доби мечот со 7-5, 3-0 во сетови, против Карен Качанов откако Русинот се повреди.
Tough way to finish 😔
Zverev goes through as Khachanov is forced to retire due to injury, 7-5 3-0 RET #CincyTennis pic.twitter.com/cntPMjmR8m
— Tennis TV (@TennisTV) August 14, 2025
