Ако некој едвај чекаше да почне Премиер лигата, тоа секако се навивачите кои оваа година го одбележаа стартот на сезоната со извонредни кореографии на трибините.
Ние решивме дека нивниот труд вреди да биде споделен, па ги собравме сите кореографии од првото коло на новата сезона. Уживајте!
Ливерпул
Навивачите на Ливерпул разбирливо го посветија првиот натпревар на прерано загинатиот фудбалер Диого Жота и неговиот брат Андре Силва. Во емотивното отворање токму на првиот натпревар од сезоната, тие на трибините ги испишаа иницијалите и броевите кои ги носеа двајцата фудбалери.
Ние пишувавме повеќе и за навивачот кој веќе 30 години од љубов кон клубот ги планира мозаиците на трибините, па доколку сакате да ја прочитате и таа приказна, кликнете тука.
— Liverpool FC (@LFC) August 15, 2025
Вулверхемптон
И Вулверхемтон тагуваа по својот поранешен играч, Диого Жота. Тие на трибините ги испишаа зборовите “Ќе се сеќаваме на тебе кога ќе чекориш низ златните полиња” и издигнаа голема слика од Португалецот во жолтиот дрес на Вулвс.
Мечот помина во емотивно сеќавање на Жота, а во 18-та минута, бројот на дресот кој тој го носеше кога играше за Вулвс, навивачите повторно застанаа да му оддадат почит.
Diogo left an everlasting impression on our club and our city, giving us memories to last a lifetime.
Today, we came together to honour his life, and that of his brother André.
“𝑊𝑒’𝑙𝑙 𝑟𝑒𝑚𝑒𝑚𝑏𝑒𝑟 𝑦𝑜𝑢 𝑤ℎ𝑒𝑛 𝑦𝑜𝑢 𝑤𝑎𝑙𝑘 𝑖𝑛 𝑓𝑖𝑒𝑙𝑑𝑠 𝑜𝑓 𝑔𝑜𝑙𝑑.” pic.twitter.com/EymdoUlDeU
— Wolves (@Wolves) August 16, 2025
Астон Вила
Астон Вила го искористија моментот за да го покажат тифото на кое беше испишано “Без граници за нашите соништа”, покрај фотографијата на тренерот Унаи Емери.
Пораката на навивачите моќна и со двојно значење. Едното како прослава на неодамнешните успеси на клубот под водство на Емери, како рушењето на рекордот на клубот со 19 непоразени мечеви на домашен терен. Другата пак, порака со политичко значење, за ограничувањата кои им се наметнуваат на клубовите кога станува збор за финансиското работење, со што Астон Вила беа принудени да го продадат играчот Џејкоб Ремзи на Њукасл.
Сандерленд
Сандерленд кои успеаја оваа година повторно да играат во Премиер лигата, на спектакуларен начин го најавија нивното враќање во големото натпреварување. На трибините на Стадионот на светлината осамна огромна слика од амблемот на клубот и локалната легенда Ламтон Ворм.
Легендата за Ламтон Ворм е огромен дел од фолклорот и историјата на градот, а тифото беше симболичен старт и порака дека тие се подготвени за борба.
Spirit of Sunderland.
Ready for battle 🗡️ pic.twitter.com/F5SQVL4fGG
— Sunderland AFC (@SunderlandAFC) August 16, 2025
Тифото е продолжение на пораката “До самиот крај”, која осамна минатата година за време на плеј-офот против Ковернтри Сити.
Нотингем Форест
Нотингем Форест ја го одбележаа стартот на сезоната со исписот: “И во шумата одам за да го изгубам умот и да ја пронајдам мојата душа”. Покрај написот навивачите со мозаик го исцртаа и логото на клубот.
