Англискиот шампион Арсенал сериозно работи на засилување на средниот ред и е подготвен да испрати официјална понуда од 70 милиони фунти за капитенот на Њукасл, Бруно Гимараеш.
Желбата постои, но Њукасл се брани
Според најновите информации од Островот, 28-годишниот бразилски репрезентативец е примарна цел на „топџиите“, а самиот фудбалер веќе изразил огромна желба да се пресели во Северен Лондон и да го облече дресот на шампионот. Договарањето на личните услови не би требало да претставува проблем, но останува да се види дали предложените 70 милиони фунти ќе бидат доволни за да се задоволат апетитите на Њукасл.
Извори блиски до „страчките“ инсистираат дека клубот нема намера да го продава својот капитен ова лето и дека сè уште немаат добиено директен контакт од Арсенал, иако се свесни за желбата на играчот да ја промени средината. Преговорите очигледно се забрзуваат во последните неколку денови.
Финансиската дисциплина на Арсенал
Раководството на Арсенал е решено да го надгради шампионскиот тим, но тоа нема да го прави по секоја цена. Нивната строга финансиска дисциплина се покажа и во битката за Морган Роџерс. Иако Арсенал имаше можност да ја израмни понудата на Челси, клубот одби да плати 117 милиони фунти, останувајќи цврсто на својата максимална проценка од 80 милиони за тој играч. Сличен е ставот и за Гимараеш – Арсенал има одредено максимален буџет за Бразилецот и не планира да преплаќа, без разлика на силната желба на стручниот штаб да го види во своите редови.
Конса, Алварез и алтернативите за нападот
Покрај засилувањата во средниот ред, клубот интензивно работи и на другите позиции. Дефанзивецот на Астон Вила и англиски репрезентативец, Езри Конса, е прв избор за засилување на одбраната. На листата е и Хакобо Рамон од Комо, иако комплицираните клаузули во неговиот договор го прават тој трансфер тешко остварлив.
Што се однесува до нападот, „сонот“ на Арсенал е Хулијан Алварез од Атлетико Мадрид. Сепак, неговата желба за преселба во Барселона и астрономската цена (која би можела да го надмине британскиот рекорд од 125 милиони фунти) претставуваат огромна пречка. Поради тоа, како алтернатива за крилните позиции, лондонскиот клуб веќе ја разгледува опцијата за ангажман на Бредли Баркола од Пари Сен Жермен.
