По тешката ноќ во Кардиф и поразот од 7-1, во таборот на македонската репрезентација владееше молк. Но, вистинските лидери знаат кога треба да прозборат.
Капитенот Енис Барди се огласи преку социјалните мрежи со искрена и болна исповед, но и со силна порака за мобилизација пред баражот во март. Тој не бараше оправдувања, туку ја призна болката и вети борба.
„Ова не е крај!“
„Тежок пораз, оној што ти го гори душата! Велс нè удри силно. Болка, разочарување… Но ова не е крај!“, напиша Барди на својот Инстаграм профил.
Играчот за врска на Трабзонспор потсети дека најважната битка допрва следи – полуфиналето од баражот против Данска.
„Сè уште сме во плејофот во март. Сè уште сме живи. Овој пораз треба да нè запали, а не да нè изгаси. Да се вратиме погладни, поагресивни, поцврсти! Ние не се предаваме. Никогаш“, порача капитенот.
Ова е ставот што ни треба. Главата горе, капитене!
Следете нè: Facebook | Instagram | X
