Борусија Дортмунд и бразилскиот Флуминенсе официјално го заверија својот билет за нокаут-фазата на Светското клупско првенство, кои беа и фаворити во својата група.
“Милионерите” од Дортмунд одиграа зрел турнир, со дисциплиниран пристап и клучни победи кои им гарантираа место меѓу најдобрите, а денес го совладаа и тимот на Улсан со 1:0 за освојување на првото место во групата Ф. За единствениот гол на натпреварот стрелаше Даниел Двенсон во 36-та минута.
И на другиот натпревар од групата не гледавме голови, па натпреварот меѓу Флуминенсе и Мамелоди Сандаунс заврши со нерешен резултат од 0:0. Со бодот од овој натпревар Бразилците завршија на второто место на табелата и обезбедија понатамошен пласман.
Двата клуба сега ги очекува нокаут-фудбал каде што нема поправен испит, а секоја грешка ќе значи испаѓање од Светското клупско првенство.
