Дали сведочиме на смена на генерации на шаховскиот престол? 19-годишниот светски шампион, Индиецот Гукеш Домараџу, повторно го победи легендарниот Магнус Карлсен, само еден месец по нивната прва историска пресметка. Овој пат, победата дојде во рапид шах на силниот турнир од “Grand Chess Tour” серијата што се одржа во Загреб, Хрватска – формат каде што Магнус со години важи за речиси непобедлив.
Оваа победа има поинаква тежина од претходната. Додека првиот триумф беше проследен со нервоза кај Карлсен, овој пат тој со почит му честиташе на младиот предизвикувач.
Погледнете ги клучните моменти од нивната последна пресметка во рапид шах во Загреб:
19-year old world champion gukesh beats magnus again
byu/RodrickJasperHeffley innextfuckinglevel
Оваа чиста победа е во голем контраст со нивниот дуел од пред еден месец во класичен шах, кога Магнус беше видно изнервиран од сопствената голема грешка со која му ја “подари” победата на Гукеш.
Потсетете се на завршницата од тој меч и реакцијата на Карлсен:
Current World Champion Gukesh defeats Magnus Carlsen for the first time in classical chess.
byu/RodrickJasperHeffley insports
“Секогаш има поголема риба”: Дали дојде крајот на ерата на Магнус?
Иако повеќето аналитичари и фанови се согласуваат дека Магнус Карлсен сè уште е веројатно најголемиот шаховски ум на сите времиња, двете победи на Гукеш се јасен знак дека пристигнува нова генерација.
“Секој крал е заменет, таков е кругот на животот. Тоа е неизбежно”, гласи еден од коментарите на социјалните мрежи, додека друг фан го цитираше легендарниот Квај-Гон Џин од “Војна на ѕвездите”: “Секогаш има поголема риба”.
Гукеш, со својот мирен и стоички пристап – без големи прослави и насмевки по победите – покажува неверојатна зрелост и фокус. Тој е вистинско шаховско “чудо од дете” на новата генерација.
Иако е рано да се каже дека Гукеш е подобар од Магнус, едно е сигурно: ривалството е родено. Битката помеѓу искуството и младоста, помеѓу докажаната легенда и новиот светски шампион, ветува дека ќе го држи шаховскиот свет во неизвесност во годините што доаѓаат.
