Европската ракометна федерација (ЕХФ) ги откри имињата на „бесмртните“ кои го одбележаа овогодинешниот шампионат. Данскиот магионичар Матијас Гидсел испиша историја, додека Португалија и Германија доминираат во индивидуалните признанија.
Гидсел со историски МВП статус!
Она што сите го очекуваа, доби официјална потврда. Матијас Гидсел е прогласен за Најкорисен играч на ЕХФ ЕУРО 2026. Со ова, тој стана првиот Данец во историјата со оваа престижна титула на европските првенства. Неговата леснотија во постигнувањето голови и креацијата во нападот го потврдија неговиот статус на веројатно најдобриот светски ракометар во моментов.
Германски „бедем“ и хрватско знаме на десната страна
Германија е единствената нација со двајца претставници во идеалната седторка. Андреас Волф повторно е прогласен за најдобар голман, што е негово трето вакво признание (по 2016 и 2024 година), додека капитенот на „панцерите“, Јоханес Гола, е најдобар пикер.
„Волкот“ се врати на тронот На голманската позиција, по третпат во својата кариера , се најде германскиот „ѕид“ Андреас Волф. Неговите клучни одбрани беа главниот мотор на Германија во походот кон завршницата. Покрај него, во идеалната седторка место најде и , Јоханес Гола, како најдобар пикер.
На десната крилна позиција, со право се најде Хрватот Марио Шоштариќ, кој одигра турнир за паметење со неверојатна реализација.
ИДЕАЛНИОТ ТИМ НА ПРВЕНСТВОТО:
- Голман: Андреас Волф (Германија)
- Лево крило: Аугуст Педерсен (Норвешка)
- Лев бек: Симон Питлик (Данска)
- Среден бек: Гисли Кристијансон (Исланд)
- Десен бек: Франциско Коста (Португалија)
- Десно крило: Марио Шоштариќ (Хрватска)
- Пивот: Јоханес Гола (Германија)
„Бум“ на Португалците: Најдобриот младинец и дефанзивец доаѓаат од Лисабон!
Најголемото изненадување, но сосема заслужено, е доминацијата на Португалија во специјалните категории.
- Франциско „Кико“ Коста е прогласен за Најдобар млад играч, потврдувајќи дека е предводник на новата ракометна генерација.
- Салвадор Салвадор ја доби наградата за Најдобар дефанзивец, откако ги „заклучи“ противничките бекови во текот на целиот турнир.
Интересен факт: Речиси 12.000 фанови гласаа преку официјалната апликација на ЕХФ, а нивните гласови (40%) во комбинација со оние на експертите (60%) го дадоа конечниот лик на овој Ол-стар тим.
Следете нè: Facebook | Instagram | X
Гостинска статија на Марија Петровска
