Њујорк е познат како градот кој никогаш не спие, но ноќта меѓу саботата и неделата донесе сосема нова димензија на несоница на улиците на Менхетен, Бруклин и Бронкс. Илјадници навивачи излегоа да ја прослават првата НБА титула по цели 53 години чекање, а кошаркарската јавност сè уште е во шок од начинот на кој оваа генерација стигна до трофејот „Лари О’Брајан“.
Никс не само што победија во финалето против Сан Антонио со 4-1, туку зад себе оставија една од најдоминантните плејоф кампањи во поновата историја на кошарката. Избраниците на Мајк Браун го завршија разигрувањето со неверојатен и застрашувачки скор од 16 победи и само 3 порази. На патот до трофејот, тие успеаја да направат комплетни „метли“ (чисти победи од 4-0) во второто коло и во големото финале на Источната конференција, со што докажаа дека елитата во моментов е далеку зад нив.
Градоначалникот Мамдани потврди: Историска парада во четврток!
Откако еуфоријата го блокираше сообраќајот, утринава официјално се огласи и градоначалникот на Њујорк, Зоран Кваме Мамдани. Преку вонредно соопштение од Градската куќа, тој потврди дека во четврток (18 јуни), Њујорк ќе ја организира првата „тикер-тејп“ парада (парада со фрлање ленти и конфети од облакодерите) во историјата на оваа франшиза.
На свечената церемонија во Сити Хол, на кошаркарите предводени од финалниот МВП Џејлен Брансон ќе им бидат доделени и престижните „Клучеви на градот“.
„Повеќе од 50 години Њујорчани го чекаа овој момент. Преку болни порази, скршени срца и надеж дека секоја следна година конечно ќе биде наша, овој град никогаш не престана да верува во Никс. Овој тим ја исполни таа долгогодишна надеж со неверојатен инат, издржливост и срце – карактеристики кои ги отсликуваат самите наши пет реони. Навивачите навиваа од преполните дневни соби во Бронкс, преку масовните собири во Бруклин, па сè до баровите во Квинс, Стејтен Ајленд, Менхетен и самиот Медисон Сквер Гарден. Сега е време целиот град да слави заедно. Бинг бонг!“, изјави емотивно градоначалникот Мамдани, употребувајќи го култниот навивачки крик на фановите на Никс.
More aerial footage of the celebration in New York: You see people out on their fire escapes, on their balconies, clinging on the side pic.twitter.com/dRuMCiicdn
— Acyn (@Acyn) June 14, 2026
Градот ќе светне во сино и портокалово
Подготовките за прославата на векот веќе започнаа, а локалните власти соопштија дека во ноќта на парадата, во четврток, сите клучни општински и административни згради во Њујорк ќе бидат комплетно осветлени во препознатливите клупски бои – сино и портокалово.
Навивачите веќе најавуваат дека немаат намера да си одат дома до крајот на неделата, бидејќи Њујорк конечно го дочека денот кога е кошаркарски владетел во најсилната лига на планетата. Погледнете дел од неверојатните сцени од Големото јаболко:
The streets of New York are ALIVE https://t.co/NvqmqUWXiU
— Jomboy Media (@JomboyMedia) June 14, 2026
Last 30 seconds of the Knicks winning the finals live from West Village FIRE ESCAPE. Best city in the world.🔥👑 #knicks #nyc pic.twitter.com/6XLA9gcX09
— Evan Lee (@theEvanLee) June 14, 2026
EVERYONE IN NYC IS SINGING EMPIRE STATE OF MIND https://t.co/theerk3Y6r
— Barstool Sports (@barstoolsports) June 14, 2026
Scenes outside MSG are INSANE!
— CulturedUpdates (@CulturedUpdatez) June 14, 2026
New York Knicks fans are losing their minds!#nbafinals pic.twitter.com/JLlOwYBtP3
