Мизеријата која моментално се случува во Њукасл Јунајтед е сурова реалност пред која не може да се замиже. Клубот кој требаше да доминира со светскиот фудбал е во слободен пад, а најнов доказ за нивната немоќ е трансферот на 20-годишниот швајцарски репрезентативец Јохан Манзамби.
Астон Вила им го „украде“ Манзамби пред нос
Според најновите информации од Дејвид Орнштајн и Фабрицио Романо, откако Њукасл постигна клупски договор со Фрајбург и со недели чекаше играчот да заврши со настапите на Светското првенство, Астон Вила експресно се вклучи во трката и го „киднапираше“ трансферот.
🚨 EXCL: Aston Villa in process of finalising move to sign Johan Manzambi from Freiburg. Newcastle United had agreement with #SCF but #NUFC lacked player approval. 20yo Swiss midfielder wants #AVFC & deal now accelerating towards conclusion @TheAthleticFC https://t.co/UTfbtXcSaH
— David Ornstein (@David_Ornstein) July 12, 2026
Објективниот став овде е кристално јасен, не треба никој да го обвинува играчот. Доколку кој било фудбалер денес биде прашан да бира помеѓу европската Астон Вила на Унаи Емери и овој безидеен Њукасл на Еди Хау, како и секој човек со здрав разум, сигурно би го избрал Емери. Вила нуди Лига на шампиони и стабилност, додека Њукасл нуди само празни ветувања.
🚨🟣🔵 Exclusive story from the evening, confirmed: Aston Villa are in the race to sign Johan Manzambi.
— Fabrizio Romano (@FabrizioRomano) July 12, 2026
Negotiations underway to hijack Newcastle deal and get green light from the player. 🇨🇭#NUFC agreed terms with Freiburg but not yet with Manzambi; #AVFC are on it. ❗️ pic.twitter.com/OaPW1t4EBo
Трансфер понижувања: Долгата листа на играчи кои кажаа „НЕ“
Ова не е изолиран инцидент. Клубот од „Сент Џејмс Парк“ буквално стана синоним за трансфер понижувања. Неодамна Ливерпул им го презеде Виктор Муњоз, но ако се направи длабинска анализа според извештаите на водечките трансфер новинари како Фабрицио Романо и Дејвид Орнштајн, листата на играчи кои го одбиле Њукасл во последните неколку преодни рокови е застрашувачка.
Саудиските милиони беа глатко одбиени од Тосин Адарабиојо (кој го избра дури и хаосот во Челси пред Њукасл), како и од Мајкл Олисе кој експресно ги одби за да се пресели во Баерн Минхен. Да не заборавиме како Раду Драгушин го избра Тотенхем пред нив, Џејмс Медисон исто така им кажа историско „не“ бирајќи ги Спарс, а Калвин Филипс претпочиташе позајмица во Вест Хем наместо преселба на северот.
Ако се вратиме само малку поназад, ќе се потсетиме дека Уго Екитике брутално ги одби за да седи на клупа во ПСЖ. Муса Дијаби им се заблагодари на интересот пред да ја избере токму Астон Вила. Бразилецот Лукас Пакета ги одмина за да игра за Вест Хем, додека Жоао Педро претпочиташе преселба во Брајтон. Не смееме да ги заборавиме ниту амбициозните обиди за Николо Барела и Федерико Киеза, кои според Романо не сакаа ниту да слушнат за трансфер во Њукасл. На оваа листа на срам се надоврзуваат и Диего Карлос (кој исто така заврши во Вила) и Бенџамин Шешко, кој го одби нивниот повик за да остане во Лајпциг. Дополнително, обидите за играчи како Марк Гехи и Доминик Калверт-Левин завршија неславно откако преговорите доживеаја тотален колапс. Јасно е, Њукасл стана клуб за избегнување!
Како капак на сè, клубот се соочува со масовен егзодус. Тимот веќе го напуштија најдобрите: Александер Исак (кој за 145 милиони евра замина во Ливерпул), Ентони Гордон (Барселона), Сандро Тонали (Тотенхем) и Елиот Андерсон (Нотингем Форест, веќе во Манчестер Сити). На излезна врата е и капитенот Бруно Гимараеш, кој очајнички сака трансфер во Арсенал.
🚨 EXCL: Bruno Guimaraes informs Newcastle United of wish to leave & join Arsenal. #AFC stepping up pursuit – ready to offer deal worth up to £60m at present but no club-to-club contact yet + #NUFC stance still not entertaining bids for 28yo @TheAthleticFC https://t.co/6W3cpcqKKh
— David Ornstein (@David_Ornstein) July 8, 2026
Нула одговорност: Каде се ветувањата на ПИФ?
Она што најмногу зачудува е прашањето, дали во овој клуб некој за нешто одговара? Њукасл минатата сезона (2025/2026) заврши на катастрофалното 12-то место во Премиер лигата. И покрај тој дебакл, не се случи апсолутно ништо.
Менаџерот Еди Хау сè уште ја има целосната доверба од бордот, а семејниот бизнис цвета. Неговиот внук, Енди Хау, непречено ја извршува високата функција помошник-директор за регрутација на играчи. Двајцата имаат главен збор во скаутската мрежа која доживува целосен колапс, но никој не бара одговорност од нив.
Каде исчезнаа славните ветувања на саудискиот ПИФ (PIF) од пред пет години? Тогаш нивната изјава ечеше во медиумите:
„Њукасл заслужува да биде на врвот на Премиер лигата. Ние сакаме да го видиме како освојува трофеи и доминира во Европа. Нашата цел е титула во следните 5 до 10 години.“
Денес, најбогатиот клуб во светот не само што не се бори за титули, туку е екипа која ѕвездите масовно ја напуштаат, а талентите со задоволство ја одбиваат.
