Кога патриотизмот се исплати: „Навивачот-Статуа“ доби Џип од претседателот на Конго!

Во светот на SportStation.mk, ние имаме „нулта толеранција“ за мешање на политиката во спортот, користење на државни ресурси за евтин популизам или незаслужени привилегии. Меѓутоа, понекогаш животот пишува приказни каде што гестот е поважен од бирократијата.

Ова е една таква приказна, за човекот кој не мрдна ниту мускул 90 минути, а сега ќе се движи со стил.

Од трибина во луксузен теренец

Мишел Кука Мболадинга, навивачот на ДР Конго кој стана вирална сензација на АФКОН 2025 поради својата неверојатна сличност и посвета на Патрис Лумумба, доби награда што веројатно не ја очекуваше ниту во најлудите соништа.

Претседателот на ДР Конго, Феликс Чисекеди, лично нареди на Мишел да му биде врачен нов џип (Jeep SUV). Но, тоа не е обично возило. На регистарските таблички гордо стои натписот: ‘CADEAU DU PRÉSIDENT’ (Подарок од Претседателот).

AFCON 2025 icon Michel Kuka Mboladinga, has been gifted a luxury Jeep after capturing the hearts of fans across Africa with his powerful tribute to Patrice Lumumba 👑🇨🇩

A personal gift from DR Congo president Félix Tshisekedi, the car proudly displays the plate ‘CADEAU DU… pic.twitter.com/uNMlVnOTso

— OneFootball (@OneFootball) January 11, 2026

Нашиот став: Гест на почит, а не политика

Иако сме скептични кога политичарите делат автомобили, во случајот на Мишел, мораме да признаеме, човекот го заслужи своето место под сонцето. Тој не беше хулиган, не правеше скандали. Со својот мирен, достоинствениот став („стоење мирно“), тој направи повеќе за промоција на историјата и културата на ДР Конго отколку стотици платени дипломати.

Министерот за спорт на Конго истакна дека ова е признание за „симболичната и патриотска улога“ што Мишел ја одигра за време на турнирот, потсетувајќи го светот на идеалите на Лумумба.

Слава што заробува

Мишел открива дека славата има и своја цена. „Не можам да излезам од хотелот. Толку многу луѓе и медиуми чекаат за слика, што сум заробен во собата“, изјави тој, додавајќи дека и покрај елиминацијата на неговата репрезентација, тој добил официјална покана да присуствува на големото финале на 18-ти јануари.

Дури и ривалите го почитуваат, по поразот од Алжир, кога камерите го фатија како плаче, алжирската федерација му испрати дресови како знак на извинување за провокациите.

👇 Потсетете се зошто овој човек стана легенда:

Мишел Кука дојде на АФКОН како навивач, а си заминува како национален херој во претседателски џип. Нека му е со среќа!

Следете нè: Facebook | Instagram | X