Легендарната Линдзи Вон ја напушти Италија и со специјален медицински лет се врати во САД по четирите тешки операции на левата нога. Иако поминаа девет дена од нејзиниот пад на Олимписките игри, 41-годишната скијачка призна дека сè уште е целосно неподвижна.
„Не сум застанала на стапала повеќе од една недела“
Вон, која се врати од пензија по операцијата на десното колено за да настапи на своите петти Олимписки игри, доживеа „комплексна фрактура на тибијата“ само 13 секунди по стартот на спустот во Кортина.
„Не сум застанала на нозе повеќе од една недела. Бев неподвижна во болнички кревет од денот на трката. Иако уште не можам да стојам, чувството да се биде на домашно тло е неверојатно“, напиша Вон на социјалните мрежи, заблагодарувајќи им се на италијанските лекари за грижата.
NEW: Ski racer Lindsey Vonn has made it back to the United States following her crash at the Winter Olympics, shares her journey home on social media.
— Collin Rugg (@CollinRugg) February 17, 2026
Vonn was seen on a gurney being loaded onto a jet before she made her way home.
"My leg is still in pieces…but I'm finally… pic.twitter.com/roqJe1lNTO
Свесен ризик за „крај од бајките“
Многумина ја критикуваа нејзината одлука да настапи во спуст само девет дена откако ги скина лигаментите на левото колено на последната трка од Светскиот куп. Сепак, Линдзи е децидна – знаела во што се впушта и повторно би го направила истото.
„Кога размислувам за падот, не стоев на стартната капија несвесна за последиците. Знаев што правам. Избрав да ризикувам. Дури и да сте најсилната личност на светот, планината секогаш ги држи картите во свои раце. Секогаш би го прифатила ризикот од пад давајќи сè од себе, отколку да скијам под мојот потенцијал и да жалам“, порача храбрата Вон.
Иако нејзината кариера веројатно завршува на овој болен начин, Линдзи Вон веќе најави дека нејзината следна цел не е медал, туку моментот кога „повторно ќе застане на врвот на планината“. Пред неа е долг процес на рехабилитација и нови хируршки зафати, но нејзиниот шампионски дух останува нескршен.
