Дека македонската креативност и уметност одамна ги пробија границите на светскиот спорт е веќе добро познат факт, но најновиот проект на нашето меѓународно познато студио Swithadot Studios, предводено од дизајнерот Сатја Грабулоски, донесе вистински естетски спектакл непосредно пред почетокот на Светското првенство. Фудбалската легенда на Босна и Херцеговина и еден од најголемите балкански напаѓачи на сите времиња, Един Џеко, официјално стана сопственик на уникатно ремек-дело – персонализирани копачки кои се изработени специјално за неговиот мундијалски настап.
Кога креативниот тим ја започнал својата ексклузивна мундијалска серија наменета за спортските икони со посебна фудбалска аура и статус, капитенот на „Змејовите“ бил на самиот врв на нивната листа на желби. Резултатот од таа желба е уникатен спортски артефакт кој совршено ги спојува националниот гордост, супериорниот дизајн и богатата кариера на популарниот Дијамант.
„Босански змеј“ и течно злато: Моќните детали на уникатниот модел
Како совршена база за оваа уметничка обработка биле искористени најновите копачки на Adidas F50, кои биле обезбедени за рекордни 24 часа. Но, нивниот краен изглед е сосем далеку од фабричкиот принт. Дизајнот е комплетно инспириран од препознатливиот симбол на босанската репрезентација – змејот.
Главните карактеристики на ова уникатно спортско парче вклучуваат многу симболи и уникатни моменти. Горниот дел на копачката се одликува со специфична двотонска сина композиција, рачно кроена со нијанси кои совршено го доловуваат босанскиот национален идентитет. По страничните делови елегантно се протега државното знаме на Босна и Херцеговина, соодветно заокружено со официјалниот латиничен натпис „DZEKO“.
Сепак, главниот визуелен печат и препознатлив потпис на македонското студио се трите линии на Адидас, кои за оваа прилика се комплетно прекриени со вистинско 18-каратно течно злато како директен симбол за лидерството, големината и фудбалското наследство што искусниот напаѓач го остава зад себе.
Иако целиот дизајн зрачи со чист луксуз, копачките се сосем подготвени за максимален перформанс на теренот. За нивната модификација се користени специјални и патентирани COLORS.® бои кои поминале строги фабрички тестови и нудат дури 96% поголема издржливост од оригиналниот фабрички принт, овозможувајќи му на популарниот Дијамант без никаков проблем да ги користи на претстојните мундијалски пресметки.
Лична испорака преку ФФМ и реакција која ги освои навивачите
Целата приказна добива и убав дипломатски шмек, бидејќи во процесот на брза и сигурна испорака до таборот на Босна учествувале Златко Андоновски и Фудбалската федерација на Македонија (ФФМ), кои се погрижиле овој вреден мундијалски подарок безбедно да стигне во рацете на капитенот. На социјалните мрежи веднаш се појави и видео од реакцијата на Џеко при отворањето на кутијата, која предизвика лавина од позитивни коментари кај фановите, воодушевени од почитта што македонското студио му ја укажа на балканскиот ас.
Од студиото потенцираат дека овој модел е строго заведен под ознаката „OneOfAKindS“ – што значи дека станува збор за единствен примерок на светот кој нема да биде репродуциран или понуден на пазарот за комерцијални цели. Уште еднаш, македонскиот уметнички потпис се избори за свое место на најголемата фудбалска сцена на планетата!
