Официјалната ждрепка за Светското првенство 2026 е закажана за 5 декември, но нетрпението кај фудбалскиот свет расте. Со новиот проширен формат од 48 репрезентации, ова ќе биде најкомплексната и најголемата ждрепка во историјата на ФИФА.
За да ја ублажи неизвесноста, корисникот на Reddit, iKidA, креираше исклучително детален симулатор кој ги вклучува дури и плејоф натпреварите. Ова е идеална шанса за македонските навивачи да проверат: Дали алгоритмот верува во нас?
Како функционира?
Креаторот на алатката, достапна на WorldCupSimulator.com, вложил огромен труд да ги имплементира најновите правила на ФИФА објавени неделава:
- Симулација на баражите: Ги предвидува УЕФА плејоф натпреварите (од 16 тима на 4 места) – тука е шансата за Македонија!
- Раздвојување на носителите: Ги почитува правилата каде фаворитите како Шпанија и Аргентина се раздвојуваат во костурот.
- Фиксирани позиции: Ги мапира позициите на домаќините (САД, Мексико, Канада).
- Комплетен турнир: Можете да ги симулирате сите 104 натпревари до самото финале.
Предизвик за фановите на Македонија: Кој ќе ни се падне во група?
Иако симулаторот користи ФИФА ранг-листа за пресметки, резултатите знаат да бидат луди. Некои корисници добиле финале САД – Мексико, а други ја виделе репрезентацијата на Хаити како победник во групата.
Ве предизвикуваме: Отворете го симулаторот и видете дали можете да ја „вметнете“ Македонија во ждрепката преку баражите! Кој би бил идеалниот противник за нас? Бразил во групата или можеби реванш со Португалија?
Доколку успеете да ја добиете Македонија во симулацијата, испратете ни „скриншот“ во коментари!
Следете нè: Facebook | Instagram | X
