Африканската фудбалска конфедерација (CAF) и PUMA го „повлекоа чкрапалото“ и ја претставија „ITRI“ – официјалната топка за Африканскиот куп на нации (AFCON) што ќе се одржи во Мароко 2025.
Името не е случајно – „ITRI“ (се изговара „ИТРИ“) значи „ѕвезда“ на локалниот домороден јазик, што е директна почит на ѕвездата од мароканското знаме.
Дизајнот е вистинско уметничко дело, инспирирано од вековната мароканска традиционална уметност „Zellij“ – препознатливите и неверојатно сложени геометриски мозаици.
Топката ги носи црвената и зелената боја, јасен омаж на домаќинот Мароко, додека шарите имаат длабока симболика:
- Геометријата со ѕвезди: Симболизира амбиција и извонредност.
- Формите на ливчиња: Претставуваат прослава и раст.
- Кружна симетрија: Го одразува единството на 24-те нации учеснички.
Но, ова не е само уметност. Под прекрасната површина се крие најнапредната технологија на PUMA – Orbita 6. Оваа конструкција обезбедува врвни перформанси, совршен лет и контрола на топката, неопходни за најголемата сцена во Африка.
„Создадена за ритамот на африканскиот фудбал, оваа топка ги спојува уметноста, движењето и дизајнот обликуван од мароканската изработка“, изјави Мохамед Гонеми од CAF.
„ITRI“ ќе го има своето деби на првиот натпревар на AFCON 2025, кој започнува на 21 декември 2025 година. За оние кои сакаат да ја имаат, топката ќе се продава по препорачана цена од 130 евра.
Следете нè: Facebook | Instagram | X
