Градската трка на патеката Марина Беј во Сингапур, не донесе некои поголеми возбудувања, па само докажа дека на ваквите трки и тоа како е важен добриот пласман во квалификациите.
Британецот на Мерцедес, Џорџ Расел, кој стартуваше од пол-позицијата успеа да ја задржи предноста до самиот крај на трката и за прв пат да триумфира на трката за Големата награда на Сингапур.
George never looked back! 🙌
Here’s your points-finishers from the Singapore Grand Prix 📈#F1 #SingaporeGP pic.twitter.com/ZWENfzdvHo
— Formula 1 (@F1) October 5, 2025
Расел по победата повторно повтори дека “не му се верува дека победи токму на оваа патека, каде низ годините имаше најголеми проблеми”. “Ќе морам во понеделник или вторник повторно да погледнам зошто имав ваков перформанс токму тука”, изјави Британецот.
Зад него беше Макс Верстапен, кој оствари ист пласман како и минатата година на оваа патека, а трет беше возачот на Мекларен, Ландо Норис.
Можеби најголемата возбуда на трката се случи токму помеѓу него и неговиот тимски возач Оскар Пијастри, со кого Ландо имаше инцидент на првиот свиок, по што му ја презеде позицијата на Австралијанецот.
Contact between the top-three title protagonists!
Let's take a look at the onboard of the race start from Lando Norris' view 👀⬇️#F1 #SingaporeGP pic.twitter.com/1LZvbQFzCO
— Formula 1 (@F1) October 5, 2025
Со ова Норис ја намали разликата во шампионатот на возачите на 22 бода зад Пијастри, со што само ја заостри внатрешната борба во Мекларен.
Сепак, ваквиот резултат за тимот на Мекларен беше доволен за денес да бидат прогласени за шампиони во конкуренцијата за механичари, што е втор последователен трофеј за британскиот тим.
This is what winning the Constructors' Championship means 🧡#F1 #SingaporeGP pic.twitter.com/VDUXrl45lx
— Formula 1 (@F1) October 5, 2025
