Сè е подготвено за спектакл! Според многумина, ова е вистинско финале пред финалето. Во срцето на Тексас, на грандиозниот стадион во Арлингтон, се судираат двете најмоќни европски сили кои го преживеаја мундијалскиот филтер, прворангираната Франција и треторангираната Шпанија. Ова е пресметка на две фудбалски филозофии кои доминираат во модерната ера, а влогот е место во големото финале на Светското првенство.
Дешам испишува историја, Мбапе брка рекорди
За францускиот селектор Дидие Дешам, овој натпревар има посебно значење. Тој вечерва испишува историја, станувајќи менаџер со најмногу натпревари на светските првенства (вкупно 26), надминувајќи го рекордот на Хелмут Шен. Неговата Франција атакува на трето по ред финале, потпирајќи се на бруталната офанзивна моќ.
И покрај шпекулациите за повреда на скочниот зглоб, капитенот Килијан Мбапе е „100 проценти“ подготвен за игра. Со импресивни 20 голови на 20 мундијалски натпревари, тој е најголемата закана за противничкиот гол. Офанзивата ќе биде поддржана од феноменалниот Мајкл Олисе, кој веќе има пет асистенции на турнирот, и брзоногиот Осман Дембеле. Во почетниот состав се враќаат Орелиен Чуамени и Бредли Баркола, кои добија предност пред Ману Коне и Дезире Дуе.
🚨 OFFICIAL | Our XI to face France
— Spanish Football (@SpainIsFootball) July 14, 2026
The mission is clear.
Let's earn our place in the World Cup Final. ❤️🇪🇸#VamosEspaña | #FIFAWorldCup pic.twitter.com/DumUTDWLO8
😤 𝑳𝒆 𝒎𝒐𝒎𝒆𝒏𝒕 𝒆𝒔𝒕 𝒗𝒆𝒏𝒖 !
— Equipe de France ⭐⭐ (@equipedefrance) July 14, 2026
Voici les 11 Bleus qui partiront au combat face à l’Espagne pour une place en finale 💙
🔜 21h00 sur M6 et beIN SPORTS 1 📺 pic.twitter.com/DEapv1aiuk
Шпанија со Јамал и тимски дух кон втората ѕвезда
Од другата страна, Шпанија доаѓа со својот препознатлив стил, доминирајќи со поседот на топката (во просек 60% на турнирот) преку маестралниот Родри. Селекторот Луис де ла Фуенте излегува со идентичен, непроменет состав од четвртфиналето против Белгија.
Сите очи се вперени во Ламин Јамал, кој штотуку наполни 19 години и очајнички бара шанса да блесне на најголемата сцена по закрепнувањето од повредата. Иако Шпанците често се потпираа на доцните херојства на „супер-замената“ Микел Мерино, нивната најголема сила лежи во неверојатното заедништво и трпението со кое ги кршат противниците. Ова е класичен судир помеѓу француската брза транзиција и шпанската контрола – битка во која само еден гигант ќе остане на нозе.
