Македонскиот репрезентативен голман Столе Димитриевски вчера го прослави својот 32. роденден, но наместо на славјето, неговиот фокус беше целосно насочен кон телефонот и јануарскиот преоден рок. Според угледниот шпански „АС“, авантурата на Димитриевски во Валенсија е пред самиот крај, бидејќи тој е решен да ја промени средината уште оваа зима.
Ситуација без враќање назад
Димитриевски сфати дека битката за стартното место со Хулен Агирезабала е загубена. Неговите искрени изјави дадени за време на последниот собир со македонската репрезентација создадоа ситуација од која „нема враќање назад“ во односите со клубот.
Неговите агенти веќе ги разгледуваат понудите, а пазарот за голмани е активен. Според информациите на „АС“, три сериозни европски клубови веќе ја „сонирале“ ситуацијата:
Борнмут (Премиер Лига)
Клуб Бриж (Белгија, учесник во Лига на Шампиони)
Џенова (Серија А).
Валенсија подготвена за разделба
Договорот на Столе истекува во јуни, па Валенсија гледа добра прилика да се ослободи од неговата плата, особено затоа што веќе го има Кристијан Риверо како замена. Сезонава, Македонецот бранеше само 180 минути во Купот на Кралот, каде беше клучен за победата по одбранетиот пенал против Картахена.
Став на Спортска Станица: Време е за „рез“!
Го охрабруваме Столе уште на стартот од јануарскиот преоден рок да пресече и да премине во клуб каде што ќе биде ценет. Македонскиот „единица“ не смее да си дозволи уште една полусезона на клупата. Време е да ги замени резервните играчи со местото меѓу стартните 11, онаму каде што му е местото – на гол линијата, во врвна натпреварувачка форма пред клучните предизвици за Македонија.
Следете нè: Facebook | Instagram | X
