Обидот на Бенфика да изнуди суспензија за еден од клучните играчи на Реал Мадрид заврши со неуспех. Дисциплинската комисија на УЕФА официјално ја отфрли жалбата на португалскиот клуб насочена кон Федерико Валверде, потврдувајќи дека Уругваецот нема да сноси никакви санкции за инцидентот од првиот натпревар.
Инцидентот со Самуел Дал остана неказнет
Бенфика поднесе формална поплака до УЕФА, тврдејќи дека Валверде извршил физички напад врз нивниот бек Самуел Дал во 83-та минута од натпреварот во Лисабон. Иако судијата на теренот не досуди ништо, а ниту ВАР не реагираше во спорниот момент, Португалците се надеваа дека дополнителните видео-снимки ќе бидат доволен доказ за накнадна казна.
Сепак, одлуката на УЕФА е децидна: нема доволно елементи за покренување дисциплинска постапка.
🚨💣 𝐄𝐗𝐂𝐋𝐔𝐒𝐈𝐕𝐄 : UEFA has officially rejected Benfica’s complaint against Federico Valverde and imposed NO disciplinary sanction on the Uruguayan midfielder. ❌
— Topskills Sports UK (@topskillsportuk) February 23, 2026
Valverde is therefore 100% available and fully cleared to play in Wednesday’s second-leg clash at the… pic.twitter.com/leNBSVwUuR
Разочарување во Лисабон: „Ова беше чист црвен картон!“
Од таборот на Бенфика не го криеја револтот по ваквиот исход. Клубот преку соопштение изрази длабоко жалење што европската куќа на фудбалот одлучила да игнорира, според нив, јасни докази за агресија.
„Бенфика жали што, и покрај очигледните снимки кои покажуваат напад врз нашиот играч Самуел Дал, УЕФА одлучи да не преземе ништо. Без никаков сомнеж, ова беше ситуација за чист црвен картон која остана несанкционирана за време на натпреварот, а сега останува неказнета и понатаму“, се вели во соопштението на „орлите“.
Со оваа одлука, тензијата пред реваншот во Мадрид достигна ново ниво. Додека Бенфика ќе биде без суспендираниот Престијани, Реал Мадрид влегува со полн состав во средниот ред, подготвен да го брани водството од 1:0.
